01:04 25 սեպտեմբերի 2017
Ուղիղ եթեր
армия оборона Карабах граница военнослужащий НКР

ՊՆ. ադրբեջանցիները ողջ գիշեր գնդակոծել են Արցախի և Հայաստանի սահմանը

Пресс-служба МО РА
Հայաստան
Ստանալ կարճ հղումը
681 0 0

Ադրբեջանը մեծ կորուսներ է կրել անցյալ գիշեր հայկական կողմի պատասխան կրակոցներից:

ԵՐԵՎԱՆ, 25 հուլիսի– Sputnik. Անցած ողջ գիշեր Ադրբեջանի կողմից շարունակվել են կրակոցները Արցախի և Հայաստանի սահմանին, գրել է Հայաստանի պաշտպանության նախարարի մամուլի քարտուղար Արծրուն Հովհաննիսյանը Facebook սոցցանցի իր պաշտոնական էջում:

«Հուլիսի 24 –ի երեկոյան ժամը 19-ից սկսած՝ հակառակորդը կրկին շարունակել է ինտենսիվորեն խախտել հրադադարի ռեժիմը հատկապես Արցախի սահմանին և Տավուշի մարզում», — հայտնել է մամուլի քարտուղարը:

Նրա խոսքերով` կրակոցները շարունակվել են ողջ գիշեր: Կրակել են ինչպես մեծ տրամաչափի հրաձգային զենքերից, այնպես էլ 60 և 82 մմ-ոց ականանետերից: Ընդհանուր առմամբ` խախտումների քանակը գերազանցում է 160-ը:

Մամուլի քարտուղարը հայտնել է, որ հայկական զինուժի ստորաբաժանումները պատասխան կրակ են բացել ըստ անհրաժեշտության և հակառակորդին պատճառել կորուստներ ու վնասներ: Հայկական կողմը կորուստներ չունի: Այժմ սահմանին հարաբերական անդորր է:

Դրա հետ մեկտեղ, Հովհաննիսյանը կոչ է արել չհավատալ ադրբեջանական քարոզչամեքենայի տարածած կեղծ լուրերին սահմանային իրավիճակի մասին:

«Հորդորում ենք չտրվել նման սադրանքներին և հիմնվել միայն հայկական կողմի պաշտոնական տեղեկատվության վրա: Մենք ադրբեջանական քարոզչության մասին ավելի մեծ կարծիք ունեինք», — նշել է Հովհաննիսյանը:

Գլխավոր թեմաներ