10:23 22 հոկտեմբերի 2017
Ուղիղ եթեր
Оглашение приговора по делу о похищении сына Е.Касперского

ՔԿ. Սյունիքի մարզպետի որդուն մեղադրանք է առաջադրվել

© Sputnik/ Евгений Биятов
Հայաստան
Ստանալ կարճ հղումը
60 0 0

Առողջությանը դիտավորյալ ծանր մարմնական վնաս հասցնելու մասին քրեական գործով մեղադրանք է առաջադրվել Սյունիքի մարզպետի որդի Տիգրան Խաչատրյանին, հաղորդում է Քննչական կոմիտեի մամուլի ծառայությունը

ԵՐԵՎԱՆ, հուլիսի 27– Sputnik. ՀՀ քննչական կոմիտեի հատկապես կարևոր գործերի քննության գլխավոր վարչության վարույթում քննվող քրեական գործով այսօր մեղադրանք է առաջադրվել հուլիսի 25-ին ձերբակալված Տիգրան Խաչատրյանին, հաղորդում է Քննչական կոմիտեի մամուլի ծառայությունը։

Ապացույցների համակցությամբ` Տ.Խաչատրյանին մեղադրանք է առաջադրվել ՀՀ քրեական օրենսգրքի 112-րդ հոդվածի 1-ին մասով: Նույն օրը քննիչը միջնորդություն է ներկայացրել դատարան` նրա նկատմամբ որպես խափանման միջոց կալանավորումը կիրառելու վերաբերյալ:

Տիգրան Խաչատրյանը ձերբակալվել է շաբաթ օրը հասարակական մեծ աղմուկ բարձրացրած քրեական գործի շրջանակում` Զաքարյան եղբայրների նկատմամբ Գորիս քաղաքում բռնություն կիրառելու փաստով։

Միջադեպը տեղի է ունեցել մայիսի 2–ին։ ՃՏՊ–ի ժամանակ վնասվել է տուժածներից մեկի մեքենայի կողային հայելին, որի հետևանքով վիճաբանություն է ծագել, և մի խումբ անձինք Մուշեղ Զաքարյանին հասցրել են միջին ծանրության մարմնական վնասներ, իսկ Հարություն Զաքարյանին` ծանր մարմնական վնասներ (նա զրկվել է տեսողությունից)։

Կատարված քննչական գործողությունների արդյունքում նախկինում 6 անձ ներգրավվել է որպես մեղադրյալ՝ Մ. Զաքարյանին ծեծելու, միջին ծանրության վնաս պատճառելու համար:

ՀՀ ՔԿ ՀԿԳ քննության գլխավոր վարչությունում նախաքննությունը շարունակվում է, ձեռնարկվում են անհրաժեշտ քննչական գործողություններ՝ դեպքի հանգամանքների բազմակողմանի, օբյեկտիվ և ամբողջական հետազոտում ապահովելու ուղղությամբ:

Գլխավոր թեմաներ