16:56 19 հունվարի 2017
Ուղիղ եթեր
Скорая помощь

Նորագավիթում աղիքային վարակի բռնկման հավանական պատճառը ջուրն է. Լիլիթ Ավետիսյան

© 1-03.am
Հայաստան
Ստանալ կարճ հղումը
13 0 0

Լիլիթ Ավետիսյանը հայտնում է, որ աղիքային վարակի պատճառը կարող է ջուրը լինել, կատարվում են ստուգումներ

ԵՐԵՎԱՆ, 27 հուլիսի – Sputnik. Նորագավիթում աղիքային վարակի բռնկման հավանական պատճառը ջուրն է, քանի որ ստեղծված իրավիճակի հետազոտության արդյունքում չի հայտնաբերվել որևէ սնունդ, որ բոլորն օգտագործած լինեն, «Sputnik-Արմենիա» ռադիոկայանի հետ զրույցում այս մասին ասել է ՀՀ առողջապահության նախարարության Հիվանդությունների վերահսկման ու կանխարգելման ազգային կենտրոնի գլխավոր տնօրենի տեղակալ Լիլիթ Ավետիսյանը՝ անդրադառնալով հուլիսի 24-ին Նորագավիթում բռնկված աղիքային վարակի հնարավոր պատճառներին:

Նրա խոսքով, հաշվի առնելով համաճարակաբանական օրինաչափությունները, օրինակ՝ դեպքերի ոչ շատ ծանր կլինիկական ընթացքը, միաժամանակյա մեծաքանակ դեպքերը, ջրամատակարարման ցանցի վրա տարվում են աշխատանքներ: «Այս ամենը նկատի ունենալով՝ եզրակացնում ենք, որ գործ ունենք ջրային բռնկման հետ: Դա նաեւ պետք է ապացուցվի լաբորատոր անալիզների հիման վրա: Փորձաքննությունը ժամանակ է պահանջում, արդյունքները դեռ հայտնի չեն»,-ասել է նա:

Ինչպես նշել է Ավետիսյանը, դեպքի մասին տեղեկանալուց անմիջապես հետո մասնագետների խումբ է մեկնել է Նորագավիթ, ավելացնելով, որ իրենք անընդհատ հետևում են զարգացումներին, քանի որ ջրային գործոնի մասին խոսելիս, պետք է հսկողությունը շարունակական լինի։

Ըստ նրա, վարակվածներ կան բոլոր տարիքային խմբերում։ Մոտ 50 մարդ ունեցել է աղիքային տարբեր բնույթի գանգատներ՝ ջերմություն, ընդհանուր թուլություն, սրտխառնոց: «Եղել են մարդիկ, որ գնացել են հիվանդանոց, բայց ծանր դեպքեր չեն եղել, դեղորայք է նշանակվել: Մեկ երեխա է հոսպիտալացվել, բայց մի քանի ժամով»,-ասել է նա: Մինչ օրս շարունակվում են բակային այցելություններ, որի նպատակը, Ավետիսյանի խոսքով, դեպքերի վաղ հայտնաբերումը, արագ բուժումն ու վարակի կանխարգելումն է:

Մասնագետը հորդորում է, որ աղիքային վարակների դեպքում, եթե արձանագրվում է ցավ, բարձր ջերմություն, սրտխառնոց, չզբաղվել ինքնաբուժությամբ և անպայման դիմել բժշկի:

Բռնկումները կարող են լինել ցանկացած եղանակին. ամռանը լինում են աղիքային, միջատներով փոխանցվող հիվանդություններ: Բանախոսը նաև հավելում է, որ ջրային գործոնով պայմանավորված բռնկումները սեզոնի հետ կապ չունեն:

Գլխավոր թեմաներ