18:01 20 հունվարի 2017
Ուղիղ եթեր
Начальник полиции РА Владимир Гаспарян и глава МВД Владимир Колокольцев на заседании Объединенной коллегии

ՀՀ ոստիկանապետը ՌԴ ՆԳՆ–ի ղեկավարի հետ համագործակցության հարցեր է քննարկել

© сайт Полиции РА
Հայաստան
Ստանալ կարճ հղումը
17 0 0

Վլադիմիր Գասպարյանն ու Վլադիմիր Կոլոկոլցևն անդրադարձել են հանցավորության դեմ պայքարում երկու երկրների ավանդական համագործակցությանը, վերջին տարիներին բոլոր ուղղություններով արդյունավետ զարգացող գործընկերային հարաբերություններին

ԵՐԵՎԱՆ, 28 հուլիսի – Sputnik. Հայաստանի Հանրապետության ոստիկանության պետ, գեներալ-լեյտենանտ Վլադիմիր Գասպարյանը և Ռուսաստանի Դաշնության ներքին գործերի նախարար, ոստիկանության գեներալ-գնդապետ Վլադիմիր Կոլոկոլցևը քննարկել են համագործակցության հարցեր, քննարկումը տեղի է ունեցել նախօրեին Սանկտ Պետերբուրգում` ՌԴ ՆԳՆ–ի և ՀՀ ոստիկանության Միավորված կոլեգիայի նիստի շրջանակում:

Նիստին մասնակցում էին Միավորված կոլեգիայի անդամներ՝ Հայաստանի Հանրապետության ոստիկանությունից և Ռուսաստանի Դաշնության ՆԳ նախարարությունից, ինչպես և երկու գերատեսչությունների կենտրոնական ապարատների վարչությունների պետեր:

Օրակարգում «Մարդկանց առևտրի հակազդման ոլորտում Ռուսաստանի Դաշնության ներքին գործերի նախարարության և Հայաստանի Հանրապետության ոստիկանության համագործակցության կատարելագործմանն ուղղված միջոցառումների մասին», «Տեղեկատվության փոխանակման ոլորտում Ռուսաստանի Դաշնության ներքին գործերի նախարարության և Հայաստանի Հանրապետության ոստիկանության համագործակցության վիճակի մասին» և «Ռուսաստանի Դաշնության ներքին գործերի նախարարության և Հայաստանի Հանրապետության ոստիկանության Միավորված կոլեգիայի 2016 թվականի աշխատանքի պլանի մասին» հարցերն էին:

Միավորված կոլեգիայի նիստի բացման խոսքում Վլադիմիր Գասպարյանն ու Վլադիմիր Կոլոկոլցևն անդրադարձան հանցավորության դեմ պայքարում երկու երկրների ավանդական համագործակցությանը, վերջին տարիներին բոլոր ուղղություններով արդյունավետ զարգացող գործընկերային հարաբերություններին:

Գլխավոր թեմաներ