15:18 24 հոկտեմբերի 2017
Ուղիղ եթեր
Акции, посвященные 74-й годовщине начала Великой Отечественной войны

«Գիշերային գայլերին» փոխարինեցին հա՞յ բայքերները

© Sputnik/ Евгения Новоженина
Հայաստան
Ստանալ կարճ հղումը
13110

Ի սկզբանե Ռուսաստանի հայերի միությունում հաստատել էին, որ «Գիշերային գայլեր» ակումբի բայքերները կժամանեն Երևան ՌՀՄ–ի ստեղծած մոտոխմբի շրջանակում

ԵՐԵՎԱՆ, հուլիսի 28– Sputnik. Օրեր առաջ համացանցում բայքերական սկանդալ ծավալվեց, երբ տեղեկություն հրապարակվեց այն մասին, որ «Գիշերային գայլեր» ռուսական մոտոակումբի բայքերները կայցելեն Հայաստան և ԼՂՀ։

Ընդ որում արդեն նշվել էր կոնկրետ ամսաթիվը, «Գիշերային գայլերի» գործողությունների ծրագիրը, որոնք իբր գալու էին Հայաստան` Հայոց ցեղասպանության 100–ամյա տարելիցի կապակցությամբ։

«Գիշերային գայլերը» դուրս չեկա՞ն որսի

Ի սկզբանե Ռուսաստանի հայերի միությունում հաստատել էին տեղեկությունն այն մասին, որ «Գիշերային գայլեր» ակումբի բայքերները կժամանեն Երևան ՌՀՄ–ի ստեղծած մոտոխմբի շրջանակում։

Հայաստանում նրանք պատրաստվում էին այցելել Հայոց ցեղասպանության զոհերի հուշահամալիր` Ծիծեռնակաբերդ, իսկ հետո շրջել տարածաշրջանում և մեկնել Լեռնային Ղարաբաղ։

ՌՀՄ–ում նշել էին, որ «նման այցերը հատկապես խորհրդանշական են Մեծ հայրենական պատերազմի տարիներին ֆաշիզմի դեմ տարած ընդհանուր հաղթանակի 70–ամյակի տարում»։ Հայտարարվել էր, որ ծրագրվում է Հայաստանի և ԼՂՀ–ի մասին վավերագրական ֆիլմ նկարահանել։

Հուսախաբություն` բայքերական ձևով. «գայլերը» Հայաստան չեն ժամանի

ՌՀՄ հաղորդագրությունից բառացիորեն մի քանի ժամ անց «Գիշերային գայլեր» մոտոակումբի մամուլի քարտուղար Աննա Կոմարովան պաշտոնապես հերքեց այդ տեղեկությունը։

Պարզվեց, որ «Գիշերային գայլերին» կփոխարինեն… հայ բայքերները Ռուսաստանից։

Facebook–ի իր էջում ՌՀՄ փոխնախագահ Լևոն Մուքանյանը գրել էր, որ հայազգի ռուս բայքերները պատրաստվում են մոտովազք կատարել «Մենք խաղաղության կողմնակից ենք» կարգախոսով Մոսկվա–Երևան–Արցախ երթուղով` նվիրված Հայոց ցեղասպանության 100–րդ տարելիցին։

Նրա խոսքով` «Գիշերային գայլերը» մոտովազքի մասնակիցներին տեխնիկական օգնություն կցուցաբերեն ՌԴ տարածքում։

Հարևանների արձագանքը


«Գիշերային գայլեր» ակումբի` Երևան ժամանելու մտադրության մասին տեղեկությունը մեծ աղմուկ բարձրացրեց ոչ միայն հանրապետությունում, այլ նաև երկրի սահմաններից դուրս։

Մինչ Հայաստանում և Արցախում քննարկում էին «Գիշերային գայլերի» գալ–չգալու հարցը, Ադրբեջանում ակնթարթորեն արձագանքեցին այդ ցնցող լուրին։

Հարևան հանրապետության ԶԼՄ–ները նյարդային գլխագրերով նյութեր հրապարակեցին այն մասին, «թե ռուս բայքերների վարքն ու գործողություններն անարգանք են Ադրբեջանի ինքնիշխանության նկատմամբ»։ Մի խոսքով` խուճապը մոլեգնում էր ամենուր։

Հայաստանի արևելյան հարևանները նույնիսկ պատրաստում էին իրենց հայտնի սև ցուցակները, որտեղ կարող էին հայտնվել «Գիշերային գայլերը»։

Ի՞նչ կտար Հայաստանին «Գիշերային գայլերի» այցը

Սա շատ տարածված նախագիծ է։ Կարծիք կա, որ «Գիշերային գայլերի» բայքերները` Խիրուրգի (Ալեքսանդր Զալդոստանովի) գլխավորությամբ, ավազակներ և ապստամբներ են, բայց իրականում ակտիվ մասնակցում են Ռուսաստանի քաղաքական կյանքին։ Ի դեպ, նրանց բայք–փառատոներին բազմիցս ներկա է եղել ՌԴ նախագահ Վլադիմիր Պուտինը։

Անվանի մոտոակումբի ներկայացուցիչները, ովքեր վերջին ժամանակներում իրենց անվանում են ոչ թե բայքերներ, այլ ռուս մոտոցիկլավարներ, ավելի շուտ ազգայնական շարժման հեղինակություն են ձեռք բերել, քանի որ նրանց տարբերանշանի վրա այժմ ռուսերեն տառեր են` նախկին լատիներենի փոխարեն։

«Գիշերային գայլերը» գործակցում են նաև Ռուս ուղղափառ եկեղեցու հետ, ինչը, իհարկե, բավականին մեղմել է արտասովոր բայքերների հեղինակությունը։

Մնում է միայն գուշակել, թե արդյո՞ք իսկապես թյուրիմացություն է եղել կամ ապատեղեկատվություն, թե՞ ինչ–որ հանգամանք խանգարել է մոտոակումբի տղաների` Հայաստան և Արցախ ժամանելու իրական ծրագրերին։

Գլխավոր թեմաներ