10:16 22 հոկտեմբերի 2017
Ուղիղ եթեր
Социолог Агарон Адибекян

Սոցիոլոգ. հայկական ընտանիքների միայն 15 տոկոսը հնարավորություն ունի հանգստանալ արտերկրում

© Sputnik/ Асатур Есаянц
Հայաստան
Ստանալ կարճ հղումը
192 0 0

Հայաստանցի զբոսաշրջիկների շրջանում առավել տարածված են այցելությունները դեպի Վրաստան, Իսպանիա, Կիպրոս, տեղեկացրեց սոցիոլոգ Ահարոն Ադիբեկյանը։

ԵՐԵՎԱՆ, 29 հուլիսի– Sputnik. Հայկական ընտանիքների միայն 15 տոկոսը հնարավորություն ունի կազմակերպել նորմալ հանգիստ հայրենիքում և արտերկրում, հայտարարեց սոցիոլոգ Ահարոն Ադիբեկյանը։

«Համեմատության համար նշեմ, որ խորհրդային տարիներին այդ թիվը կազմում էր 60 տոկոս։ Իսկ հիմա մոտ 150 հազար հայ ամեն տարի հանգստանում է Վրաստանում։ Նորաձև է նաև հանգստանալ Կիպրոսում, Իսպանիայում։ Շատերն այցելում են նաև արտերկրում բնակվող իրենց հարազատներին», – ասաց Ադիբեկյանը չորեքշաբթի ասուլիսի ժամանակ։

Նրա տվյալներով` հիմա Հայաստանում գործում է 190 տուրիստական գրործակալություն, որոնք առաջարկում են տուրիստական ուղեգրեր և ավիատոմսեր։

Ադիբեկյանը նշեց, որ 2014 թ.–ի տվյալներով` ամեն տարի Հայաստան այցելող 500 հազար զբոսաշրջիկից միայն 140 հազարն է իջևանում հյուրանոցներում։

Հայաստանի սպառողների ասոցիացիայի ղեկավար Արմեն Պողոսյանն իր հերթին նշեց, որ Հայաստանում հյուրանոցները չեն աշխատում ամբողջ  ծանրաբեռնվածությամբ։

«Հայաստանի տուրիստական բիզնեսում բավականին շատ կառույցներ աշխատում են առանց արտոնագրի, ինչը դժվարացնում է պետության կողմից նրանց նկատմամբ իրականվող վերահսկողությունն ու վիճահարույց հարցերի լուծումը», – ասաց Պողոսյանը։

Հիմա Հայաստանում գործում է հյուրանոցային տնտեսության 337 օբյեկտ` հյուրանոցներ, մոթելներ, առողջարանային համալիրներ, պանսիոնատներ, հանգստյան տներ, իջևանատներ, որոնց 36 տոկոսը Երևանում է, իսկ 64 տոկոսը` մարզերում։

Գլխավոր թեմաներ