ԵՐԵՎԱՆ, 30 հուլիսի-Sputnik. Դիլիջանի միջազգային դպրոցը (UWC Dilijan College) արժանացել է միջազգային հեղինակավոր International Property Awards-ի մրցանակին «Հանրային ծառայությունների զարգացում» կատեգորիայում (Public Services Development), հաղորդում է «Հայաստանի զարգացման նախաձեռնություններ» (IDeA) հիմնադրամի հանրային կապերի բաժինը։
Այս կատեգորիայում հաշվի են առնվում այնպիսի չափորոշիչներ, ինչպիսիք են շինարարության որակը, համակարգի ենթակառուցվածքների տեղաբաշխվածությունը, շենքի դիրքը, ճարտարապետական և նախագծային լուծումները, ինչպես նաև «կանաչ» տեխնոլոգիաների կիրառությունը:
International Property Awards-ի փորձագետների կողմից հատուկ ուշադրության է արժանացել կառույցի ճարտարապետական հայեցակարգը. բարձր են գնահատվում այն նախագծերը, որոնք միավորում են գեղագիտական տեսքն ու շահագործման հարմարավետությունը:
Դափնեկիրների պարգևատրման արարողությունը տեղի կունենա այս տարվա սեպտեմբերի 22-ին, Լոնդոնում։
UWC Dilijan College-ը ԱՊՀ տարածքում առաջին շինությունն է, որը էկոլոգիական շինարարության ստանդարտների համապատասխանությունը փաստող՝ BREEAM-ի հավաստագրի է արժանացել: Այս տարի UWC Դիլիջան քոլեջի շենքի նախագիծը հաղթող էր ճանաչվել նաև IGRA կազմակերպության «Կանաչ տանիք առաջնորդության միջազգային մրցանակ»-ի (Green Roof Leadership Awards)՝ «Trendsetting Architecture» («Ուղղություն ստեղծող ճարտարապետություն») անվանակարգում:
International Property Awards-ը հիմնադրվել է 1995 թվականին, ներկայում միջազգային ամենահեղինակավոր մրցանակներից մեկն է, որը շնորհվում է բնակելի, սոցիալական և կոմերցիոն անշարժ գույքի ոլորտում:
Դիլիջանի միջազգային դպրոցը (DIS) բարեգործական մասնավոր նախագիծ է, որը նախաձեռնել է Sberbank CIB–ի համաղեկավար Ռուբեն Վարդանյանը։ Նախագծի ընդհանուր արժեքը կազմում է 150 մլն դոլար։ Դպրոցը նախատեսված է տարբեր երկրներ ներկայացնող 650 աշակերտների և 60 ուսուցիչների համար։ Դպրոցի շրջանավարտները ստանում է միջազգային բակալավրիատի դիպլոմ։
2013 թ.–ի հոկտեմբերի Դիլիջանի միջազգային դպրոցը դարձել է «Աշխարհի միացյալ քոլեջներ» կրթական ցանցի (United World Colleges-UWC) լիիրավ անդամ և կոչվել է UWC Dilijan, իսկ նոյեմբերին դպրոցը ստացել է IB World School (International Baccalaureate – միջազգային բակալավրիատ) կարգավիճակը։ –0–
Դիլիջանի դպրոցն արժանացել է International Property Awards 2015 հեղինակավոր մրցանակին
© Sputnik / Asatur Yesayants
Բաժանորդագրվել
UWC Dilijan College-ը ԱՊՀ տարածքում առաջին շինությունն է, որը էկոլոգիական շինարարության ստանդարտների համապատասխանությունը փաստող՝ BREEAM-ի հավաստագրի է արժանացել:
