17:00 19 հունվարի 2017
Ուղիղ եթեր
Вилен Хачатрян, экономист

Տնտեսագետ. ՌԴ–ի դեմ պատժամիջոցներին Վրաստանի աջակցությունը կվնասի Հայաստանին

© Армянская служба радио Свобода
Հայաստան
Ստանալ կարճ հղումը
8 0 0

Տնտեսագետ Վիլեն Խաչատրյանը կարծում է, որ Ռուսաստանի դեմ պատժամիջոցներին Վրաստանի միանալը բացասական կազդի Հայաստանի վրա

ԵՐԵՎԱՆ, հուլիսի 30– Sputnik. Այն փաստը, որ Վրաստանն աջակցել է Ղրիմի և Սևաստոպոլի պատճառով Ռուսաստանի դեմ տնտեսական պատժամիջոցների երկարացմանը, բացասական կազդի Հայաստանի վրա, «Sputnik-Արմենիա» կայքին ասաց տնտեսագետ Վիլեն Խաչատրյանը։

Վրաստանը, Չեռնոգորիան, Ալբանիան, Իսլանդիան, Լիխտենշտեյնը, Նորվեգիան և Ուկրաինան միացել են մինչև 2016 թ.–ի հունիսի 23–ը Ղրիմի և Սևաստոպոլի նկատմամբ ներդրված ԵՄ–ի տնտեսական պատժամիջոցների երկարացմանը։ Պատժամիջոցները ներառում են Ղրիմում և Սևաստոպոլում արտադրված արտադրանքի ներկրման, ինչպես նաև Ղրիմում կամ Սևաստոպոլում ներդրումներ կատարելու արգելք։

«Բնական է, որ հակառուսական պատժամիջոցներին Վրաստանի միանալը վատ կանդրադառնա մեզ վրա, քանի որ Հայաստանից Ռուսաստան միակ ցամաքային ճանապարհն անցնում է Վրաստանով։ Մեզ բոլորովին պետք չէ այդ երկրների միջև հարաբերությունների վատացում կամ դադարեցում»,– ասաց Խաչատրյանը։

Նրա խոսքով`բարդ է կանխատեսել, թե ինչպիսի հակապատժամիջոցների կդիմի Ռուսաստանը, բայց հայկական կողմը պետք է հանդես գա որպես միջոց` իր հյուսիսային հարևանի հետ ցամաքային կապի թուլացումը կանխելու համար։

Գլխավոր թեմաներ