02:33 29 հունիսի 2017
Ուղիղ եթեր
Танки, военные учения

Հայաստանը կհյուրընկալի ԱՊՀ երկրների երկրորդ ռազմամարզական խաղերը

© Sputnik/ Кирилл Брага
Հայաստան
Ստանալ կարճ հղումը
26 0 0

Նմանատիպ միջոցառումներն իրենց ներդրումը կկատարեն պետությունների միջև ռազմական համագործակցության զարգացման և ամրապնդման գործում, հայտարարել է ՌԴ պաշտպանության փոխնախարար Արկադի Բախինը։ Նա շնորհակալություն է հայտնել մրցավարական կոլեգիային և պարգևատրել զինծառայողներին մեդալներով մարտական հերթապահության ամրապնդման համար

ԵՐԵՎԱՆ, 31 հուլիսի–Sputnik. ԱՊՀ երկրների հաջորդ ռազմամարզական խաղերը կանցնեն Հայաստանում, հաղորդում է ՌԻԱ Նովոստին։ Ուրբաթ Ռուսաստանի պաշտպանության փոխնախարար Արկադի Բախինը հայկական պատվիրակության ղեկավարին հանդիսավորությամբ փոխանցել է ԱՊՀ մասնակից երկրների բանակների ռազմամարզական խաղերի դրոշը։ 

«ԱՊՀ երկրների բանակների միջև անցկացվող ռազմամարզական մրցաշարերի հանրաճանաչությունը տարեցտարի աճում է։ Կրկնակի նշանակալի է այն փաստը, որ այդ խաղերն անցկացվել են Հարավային Կորեայում նախատեսված CISM համաշխարհային ռազմամարզական ամառային 6–րդ խաղերի նախաշեմին, որտեղ կհավաքվեն աշխարհի ուժեղագույն զինվոր–մարզիկները։ Անցկացված խաղերը մեր պետությունների ձգտման և պատրաստակամության համոզիչ վկայությունն է այն հարցում, որ մենք պատրաստ ենք զարգացնել ռազմական ոլորտում միջպետական գործընկերությունը և բանակային սպորտը», – նշել է Ռուսաստանի պաշտպանության փոխնախարարը ԱՊՀ բանակների առաջին ռազմամարզական խաղերի փակման արարողության ժամանակ, որոնք անցկացվել էին հուլիսի 25–ից ԲԿՄԱ–ի կենտրոնական մարզական ակումբում։

Բախինը նաև համոզմունք է հայտնել, որ նմանատիպ միջոցառումներն իրենց արժանի ներդրումը կկատարեն պետությունների միջև ռազմական համագործակցության զարգացման և ամրապնդման գործում։

Միջոցառման ընթացքում փոխնախարարը շնորհակալություն է հայտնել մրցավարական կոլեգիային և պարգևատրել զինծառայողներին մեդալներով մարտական հերթապահության ամրապնդման համար։

ԱՊՀ առաջին ռազմամարզական խաղերին, որոնք նվիրված էին Հայրենական պատերազմում տարած հաղթանակի 70–ամյակին, մասնակցել են Հայաստանի, Բելառուսի, Ղրղըզստանի, Ղազախստանի և Տաջիկստանի Զինված ուժերի ուժեղագույն մարզիկները։ Խաղերում իրենց ուժերը չափեցին 228 զինծառայողներ, խաղարկվեց 85 կոմպլեկտ մեդալ։ Առաջին խաղերի ծրագրում ներառվել է տասը մարզաձև` բանակային ձեռնամարտ, ձյուդո, մարզաքարերի նետում, ռազմամարզական ակումբի ռազմական բազմամրցություն, հրաձգություն հաստիքային զենքից, լող, ամառային սպայական եռամարտ, մարզական կողմնորոշում, միջազգային ռազմական հնգամարտ և հրամանատարային մեկնարկներ։

Խաղերի անցկացման որոշումն ընդունվել է ԱՊՀ մասնակից պետությունների պաշտպանության նախարարների խորհրդի նիստի ժամանակ` Ռուսաստանի պաշտպանության նախարար, բանակի գեներալ Սերգեյ Շոյգուի գլխավորությամբ, հաղորդում է ՌԴ ՊՆ–ի պաշտոնական կայքը։

Գլխավոր թեմաներ

  • Հայ-թուրքական սահման

    Ի՞նչ է թուրքական պատը. աշխարհի ամենամեծ սահմանամերձ ամրաշինական կառո՞ւյցը, որը կոչված է պաշտպանելու երկրի տարածքը հարևանների ոտնձգություններից, թե՞ Անկարայի հերթական ձեռնարկը, որին ուղղակի չհաջողվեց Արևմուտքից գումար կորզել սահմանները Սիրիայից Թուրքիա եկող ահաբեկչական ջոկատներից պաշտպանելու համար։

    13
  • Երևանի կենդանաբանական այգուց փախած Վովա փղի վախճանը

    47 տարի առաջ հունիսի 28-ին Երևանում անսովոր իրարանցում էր։ Երևանյան կենդնաբանական այգուց փախել էր Վովա փիղը։ Երևանցիները շտապում էին Մյասնիկյան պողոտա` ականատես լինելու արտառոց դեպքին:

    26
  • Մարթեն Յորգանց

    Հայտնի երգահան և երգիչ Մարթեն Յորգանցը հինգ տարի դադարից հետո կրկին պատմական հայրենիքում է։ Այս անգամ նա լավ լուր ունի. շուտով Հայաստանի քաղաքացի կդառնա։

    45