02:34 29 հունիսի 2017
Ուղիղ եթեր
Города мира. Ереван

«Ազգային երգարան» գրպանի գրքում շուրջ 700 ստեղծագործություն կներառվի

© Sputnik/ Кирилл Каллиников
Հայաստան
Ստանալ կարճ հղումը
450 0 0

Եզակի երգերի ժողովածուն նախատեսվում է հրատարակել մինչև 2015 թվականի ավարտը, յուրաքանչյուր հատորի նախնական տպաքանակը կկազմի հազար օրինակ

ԵՐԵՎԱՆ, 31 հուլիսի –Sputnik. Ազգային երգերի գրպանի գրքում շուրջ 700 հայկական ստեղծագործություն է ներառվել, ուրբաթ լրագրողներին ասաց 21-հատորյակից բաղկացած գրքի նախաձեռնող Սամվել Հարոյանը։ Գրքի շնորհանդեսն անցկացվել է ուրբաթ Երևանում։

Ժողովածուն հայկական երգերի հանրագիտարան է։ Այն կազմված կլինի հոգևոր, աշուղական, դասական, էստրադային և մանկական երգերից։ Հայ մեծ կոմպոզիտոր Կոմիտասին առանձին հատոր կնվիրվի։

«Ժողովածուն կարելի է անվանել աննախադեպ, սակայն ոչ միայն այն պատճառով, որ տարբեր ժանրերի երգեր է ներառում` հոգևոր երգերից մինչև ժամանակակից ստեղծագործություններ, այլև նաև պատճառով, որ այս նախաձեռնությանը մասնակցել են երաժշտագետներ, կոմպոզիտորներ, երգիչներ, ինչպես նաև տարբեր կազմակերպություններ, որոնք մեծ ներդրում ունեն երաժշտության ասպարեզում, օրինակ` Հայաստանի կոմպոզիտորների միությունը, «Սայաթ–Նովա» աշուղական երգի համույթը» և այլն», – նշեց Հարոյանը։

Նրա խոսքով` ժողովածուն ստեղծելու համար երկար ժամանակ է պահանջվել, շուրջ չորս տարի։ Կոլեկտիվը, որն աշխատել է ժողովածուն հրատարակելու համար, մեծ աշխատանք է տարել` տեքստերն ուղղելով և այն նոտագրելով։

«Ընդհանուր առմամբ երգերի ժողովածուն ընդգրկում է 700 երգ, 30-38 ստեղծագործություն յուրաքանչյուր հատորում։ Ներկա պահին ժողովածուն գտնվում է վերջնական փուլում։ Եվ մենք հուսով ենք, որ այն լայն տարածում կգտնի բոլոր երկրներում, որտեղ կան հայկական համայնքներ», – նշեց Հարոյանը։

Նա ավելացրեց, որ երգերի մոտ 20%–ը սփյուռքահայ կոմպոզիտորների ստեղծագործություններ են։

Եզակի երգերի ժողովածուն նախատեսվում է հրատարակել մինչև 2015 թվականի ավարտը, յուրաքանչյուր հատորի նախնական տպաքանակը կկազմի հազար օրինակ։

Հայաստանի կոմպոզիտորների միության նախագահ Արամ Սաթյանն էլ ավելացրեց, որ ժողովածուները լուրջ դեր են խաղում, հիմնականում` արտասահմանյան հայկական համայնքների համար։

«Նմանատիպ ժողովածուների ստեղծումը մեծ աշխատանքի արդյունք է, և ես կարծում եմ, որ գրքերը պարբերաբար պետք է նորացվեն, քանի որ ժամանակի ընթացքում ստեղծվում են նոր երգեր, որոնք դառնում են սիրված և ճանաչված ժողովրդի կողմից», – նշեց Սաթյանը։ —0-

Գլխավոր թեմաներ

  • Հայ-թուրքական սահման

    Ի՞նչ է թուրքական պատը. աշխարհի ամենամեծ սահմանամերձ ամրաշինական կառո՞ւյցը, որը կոչված է պաշտպանելու երկրի տարածքը հարևանների ոտնձգություններից, թե՞ Անկարայի հերթական ձեռնարկը, որին ուղղակի չհաջողվեց Արևմուտքից գումար կորզել սահմանները Սիրիայից Թուրքիա եկող ահաբեկչական ջոկատներից պաշտպանելու համար։

    13
  • Երևանի կենդանաբանական այգուց փախած Վովա փղի վախճանը

    47 տարի առաջ հունիսի 28-ին Երևանում անսովոր իրարանցում էր։ Երևանյան կենդնաբանական այգուց փախել էր Վովա փիղը։ Երևանցիները շտապում էին Մյասնիկյան պողոտա` ականատես լինելու արտառոց դեպքին:

    26
  • Մարթեն Յորգանց

    Հայտնի երգահան և երգիչ Մարթեն Յորգանցը հինգ տարի դադարից հետո կրկին պատմական հայրենիքում է։ Այս անգամ նա լավ լուր ունի. շուտով Հայաստանի քաղաքացի կդառնա։

    45