19:02 26 մայիսի 2017
Ուղիղ եթեր
Квадроцикл

ԶԼՄ. ԱՄՆ-ից Հայաստան ժամանած մարզիկը Ծաղկաձորում ընկել է կվադրոցիկլից և մահացել

© http://www.motocontinent.ru
Հայաստան
Ստանալ կարճ հղումը
115 0 0

Մարզիկը Հայաստան էր ժամանել Լոս Անջելեսից՝ Համահայկական վեցերորդ խաղերին մասնակցելու նպատակով

ԵՐԵՎԱՆ, 2 օգոստոսի – Sputnik. Հայկական լրատվամիջոցները հայտնում են, որ ԱՄՆ-ից Հայաստան ժամանած 20-ամյա մարզիկը Ծաղկաձորում ընկել է կվադրոցիկլից  և մահացել:

Ինչպես նշված է ՀՀ ՏԿԱԻՆ կայքում, օգոստոսի 1-ին ` ժամը 15:21-ին, ահազանգ է ստացվել, որ Կոտայքի մարզի Ծաղկաձոր քաղաքում՝ ճոպանուղու մոտակայքում քաղաքացին ընկել է կվադրոցիկլից, որն էլ շրջվել է քաղաքացու վրա. անհրաժեշտ է օգնություն:

Դեպքի վայր է մեկնել Կոտայքի մարզի օպերատիվ խումբը:

Պարզվել է, որ դեռևս չբացահայտված հանգամանքներում Թեղենիսի լեռ, 2-րդ ճոպանուղու միջնամասում «Յամահա» մակնիշի (վարորդ ` 1995 թ. ծնված Լ. Թ.) կվադրոցիկլը շրջվել է, ինչի հետևանքով վարորդ Լ. Թ.-ը տեղում մահացել է:

Հրշեջ-փրկարարները հոսանքազրկել են կվադրոցիկլը:

Ինչպես հայտնում է asbarez.com-ը, երիտասարդի անունը Լևոն Թոմաս է, նա Հայաստան էր ժամանել Լոս Անջելեսից՝ Համահայկական վեցերորդ խաղերին մասնակցելու նպատակով:

Համահայկական խաղերի կոմիտեն ցավակցություն է հայտնել մահացած երիտասարդի ընտանիքին, հարազատներին և թիմակիցներին:

Գլխավոր թեմաներ