04:16 24 հոկտեմբերի 2017
Ուղիղ եթեր
Мясоперерабатывающее предприятие АПХ Мираторг в Брянской области

ՍԱՊԾ–ն հորդորում է սպառողներին մսամթերք ձեռք բերել միայն դրա համար նախատեսած իրացման վայրերից

© Sputnik/ Евгения Новоженина
Հայաստան
Ստանալ կարճ հղումը
92710

Ծառայությունը նաև հորդորում է ձեռնպահ մնալ առանց անասնաբուժական փաստաթղթերի առկայության կամ բակային պայմաններում միս գնելուց

ԵՐԵՎԱՆ, 5 օգոստոսի–Sputnik. ՀՀ ԳՆ սննդամթերքի անվտանգության պետական ծառայությունը  (ՍԱՊԾ) նախօրեին առողջապահության նախարարությունից տեղեկատվություն էր ստացել այն մասին, որ Արմավիրի բժշկական կենտրոն է դիմել այնուհետև «Նորք» ինֆեկցիոն հիվանդանոց տեղափոխվել մարզի Արտամեդ համայնքի երկու բնակիչ՝ սիբիրյան խոց նախնական ախտորոշմամբ, հաղորդում է ծառայության մամուլի կենտրոնը։

Ինչպես ավելի վաղ հայտնել էր ՀՀ առողջապահության նախարարության մամուլի ծառայությունը, Արմավիրի մարզի Արտամեդ համայնքի 2 բնակիչ սիբիրյան խոց կասկածելի ախտորոշմամբ դիմել է Արմավիրի բժշկական կենտրոն, որտեղից հոսպիտալացվել են «Նորք» ինֆեկցիոն հիվանդանոց։ Հիվանդների մոտ նախնական ախտորոշվել էր սիբիրյան խոց: Նրանց վիճակը գնահատվում էր միջին ծանրության։

Ըստ հաղորդագրության` ԳՆ սննդամթերքի անվտանգության պետական ծառայության անասնաբուժության տեսչության մասնագետներն Արմավիրի մարզային կենտրոնի պատասխանատուների հետ անմիջապես այցելել են Արտամեդ համայնք և իրականացված միոցառումների արդյունքում պարզել, որ հոսպիտալացված անձանցից մեկը հուլիսի 27-ին Վրաստանի Նինոծմինդա տարածաշրջանում է ձեռքբերել կասկածելի միսը և անձնական օգտագործման նպատակով իր հետ տեղափոխել հանրապետություն:

«Մսեղիքը չի վաճառվել, այն հայտնաբերվել է Նինոծմինդայից տեղափոխողի և իր հարևանի տանը», – նշվում է հաղորդագրության մեջ։

Սննդամթերքի անվտանգության պետական ծառայության մասնագետները մսեղիքն ամբողջությամբ ուղարկել են լաբորատոր հետազոտության, իսկ մսեղիքի հետ սառնարանում պահպանվող կամ շփում ունեցող սննդամթերքն ամբողջությամբ ոչնչացվել է, միաժամանակ՝ տարածքն ու մսեղիքի մշակման պարագաներն ամբողջությամբ ախտահանվել:

«Սննդամթերքի անվտանգության պետական ծառայությունը մեկ անգամ ևս հորդորում է սպառողներին մսամթերք ձեռք բերել միայն դրա համար նախատեսած իրացման վայրերից և ձեռնպահ մնալ անվստահելի աղբյուրից, առանց անասնաբուժական փաստաթղթերի առկայության կամ բակային պայմաններում միս գնելուց», – նշել են ծառայությունից։   

Գլխավոր թեմաներ