04:43 20 հուլիսի 2018
Ուղիղ եթեր
  • USD480.60
  • GBP624.64
  • EUR557.74
  • RUB7.57
Скульптура Хиросима

Քաղաքագետ. ԱՄՆ–ն պետք է ներողություն խնդրի Հիրոսիմայի և Նագասակիի միջուկային ռմբակոծության համար

© Sputnik / В. Лагранж
Հայաստան
Ստանալ կարճ հղումը
1152 0 0

Ռմբակոծության համար ներողություն խնդրելու արդար պահանջ կա, «Sputnik-Արմենիա» ռադիոկայանի հետ զրույցում ասել է քաղաքագետ Նարեկ Գալստյանը:

ԵՐԵՎԱՆ, 6 օգոստոսի – Sputnik. Հիրոսիմա և Նագասակի քաղաքների ռմբակոծության համար ԱՄՆ–ի ներողության անհրաժեշտության մասին «Սպուտնիկ. Կարծիքներ» հարցման արդյունքների համաձայն՝ ճապոնացիների 61 տոկոսը կարծում է, որ ԱՄՆ-ն պետք է ներողություն խնդրի այդ քաղաաքների ռմբակոծությունների համար:

Հարցվածների 74 տոկոսն էլ կարծում է, որ ատոմային ռմբակոծությունները չի կարելի արդարացնել պատերազմով, քանի որ զոհվել են մեծ թվով խաղաղ բնակիչներ: Ճապոնացիների 10 տոկոսն էլ կարծում է, որ ատոմային այդ ռմբակոծությունները նպատակ են ունեցել վերջ դնելու պատերազմին:

Այն հարցին. «Ի՞նչ եք կարծում, արդյո՞ք, ԱՄՆ-ն պետք է պաշտոնապես ներողություն խնդրի 1945-ին Հիրոսիմայի և Նագասակիի ռմբակոծությունների զոհերի համար, ճապոնացիների մեծ մասը՝ մոտ 61 տոկոսը, միանշանակ «այո» է ասել: Եվ միայն 11 տոկոսն է կարծում, որ ներողության կարիք չկա: Մոտ 30 տոկոսը չի կարողացել պատասխանել հարցին:

Հարցումն անցկացրել է Populus ընկերությունը՝ «Սպուտնիկ» լրատվական գործակալության համար: Հարցմանը մասնակցել է Ճապոնիայի 18-64 տարեկան 1004 քաղաքացի:

«Առաջին և, բարեբախտաբար, վերջին անգամ մարդկության պատմության մեջ կիրառվեց միջուկային զենք, որի հետևանքներն առայսօր տեսանելի են, ճակատագրեր են խեղվել, ինչը մեծ հետք է թողել նաև ճապոնացիների ինքնագիտակցության վրա։ Եվ բնական է, որ կա ներողություն խնդրելու արդար պահանջ,  «Sputnik-Արմենիա» ռադիոկայանի հետ զրույցում նման մեկնաբանություն է արել քաղաքագետ Նարեկ Գալստյանը: 

Նրա խոսքով, խնդիրը զուտ ներողություն խնդրելը չէ: «Միացյալ Նահանգները կարող  է շատ դյուրին ձևով ներողություն խնդրել դրա համար, բայց, միևնույն է, այդ ժամանակ այդ քայլը համարվեց «անհրաժեշտ չարիք»: Այսինքն՝ ամերիկացիները կարողացան հասնել Ճապոնիայի կապիտուլիացիային և խուսափել ավելի մեծաթիվ զոհերից և քաղաքացիական, և զինվորական շրջանակներում»,- ասել է նա:

Միացյալ Նահանգների կողմից  ճապոնական այդ քաղաքների միջուկային ռմբակոծության հարցը մինչև հիմա էլ մասնագիտական շրջանակներում բանավեճի առարկա է:

Մի խումբ մասնագետներ քննադատում են այդ իրողությունը՝ մարդասիրական դիտանկյունից,  մյուս խումբն էլ պնդում է, որ ռազմավարական տեսանկյունից արդարացված էր, ինչը կանխեց ավելի մեծաթիվ զոհերի հավանականությունը:

Նարեկ Գալստյանի խոսքով՝ տարիների հեռվից այս իրողությունը դժվար է գնահատել: «Հումանիստական տեսանկյունից, իհարկե, քայլն արդարացված չէր: Մյուս տեսանկյունից, շատերը կարծում են, որ դա ոչ միայն Ճապոնիայի, այլև ամբողջ Ասիայի համար բախտորոշ նշանակություն ունեցավ և, ըստ էության, կանխեց Ճապոնիայի հետագա գործողությունները Ասիական- խաղաղօվկիանոսյան ճակատում»,- ասել է նա:

Ճապոնական ողբերգությունը պատճառ դարձավ, որ հետագայում ընդունվեն մի շարք միջազգային կոնվենցիաներ, որոնցով արգելվեցին և ավելի հստակեցվեցին, թե որտեղ և ինչ պայմաններում կարելի է միջուկային փորձարկումներ իրականացնել և, բնականաբար, արգելվեց դրանց օգտագործումը խաղաղ բնակչության նկատմամբ:

«Լուրեր էին պտտվում, թե բալկանյան պատերազմում ԱՄՆ-ն  օգտագործել է «կեղտոտ ռումբեր»՝  փոքր մասշտաբի միջուկային էֆեկտ ապահովող ռումբեր: Այսինքն, ըստ էության, չենք կարող վստահորեն ասել, որ նման իրադարձություններ չեն կրկնվի, գուցե, ոչ այդ մասշտաբի, բայց, ամեն դեպքում, չի բացառվում»,- նկատել է քաղաքագետը:

Կոնկրետ Միացյալ Նահանգների վարքը կանխատեսելը, Գալստյանի խոսքով, «անշնորհակալ» գործ է, քանի որ այդ երկիրը մարդկանց և մասնագետներին զարմացնելու մեծագույն վարպետ է:  «Հետևաբար՝ չեմ կարծում, որ ճիշտ կլինի վստահորեն ասել, որ ԱՄՆ այսուհետև կառաջնորդվի բացառապես միջազգային նորմերի պահպանմամբ»,- ընդգծել է քաղաքագետը:

Գլխավոր թեմաներ

  • ՀՀ ԶՈւ զինծառայողներ

    Ադրբեջանական լրատվամիջոցները շարունակում են պնդել, որ Հայաստանի գերի ընկած քաղաքացի Կարեն Ղազարյանը դիվերսանտ է։ Համացանցում հայտնվել են լուսանկարներ, որոնք իբր ապացուցում են այդ փաստը։ Հայաստանի պաշտպանության նախարարությունը բացահայտել է ֆեյքը, իսկ Sputnik Արմենիային հաջողվել է շփվել լուսանկարում պատկերված մարդու հետ։

    333
  • Նիկոլ Փաշինյանը Դոնալդ Տուսկի հետ. Բրյուսել 12 հուլիսի 2018 թ.

    «Թավշյա» հեղափոխության անարյուն լինելը և բռնի ուժի բացակայությունը հիացմունքի արժանացավ թե ՛ Եվրոպայում, թե՛ ԱՄՆ–ում. բայց և այնպես՝ արևմուտքից ոչ ոք չի շտապում Հայաստանը ողողել նյութական օգնությամբ և գործարար ներդրումներով։ Դա պարզ է դարձել Փաշինյանի` Բրյուսել կատարած ուղևորությունից հետո, և դա հաստատել է Հայաստանում ԱՄՆ դեսպան Միլսը։

    166
  • Ռուբեն Հայրապետյան. ՀՖՖ նախագահ

    Մենք այժմ ֆուտբոլում ականատես ենք լինում բրոունյան շարժման։ Խառնաշփոթ ակումբներում, հակասություններ ֆեդերացիայի նախագահ Ռուբեն Հայրապետյանի վարքում. կանխատեսում են, որ նրա տեղը կզբաղեցնի Ազգային անվտանգության ծառայության տնօրենը, նա համաձայնում է, բայց ասում՝ կարող է պաշտոնը զիջել Յուրի Ջորկաեֆին։ Փորձենք հասկանալ։

    234