15:17 24 հոկտեմբերի 2017
Ուղիղ եթեր
Уголовное дело

Երևանի կենտրոնում նախօրեին ծագած վեճն ավարտվել է դանակահարությամբ

© Azdeaf
Հայաստան
Ստանալ կարճ հղումը
52 0 0

Նախօրեին երեկոյան Երևանի կենտրոնում վեճ է ծագել, ինչի հետևանքով տղամարդը կրծքավանդակի վնասվածք է ստացել։ Հարուցվել է քրեական գործ, կասկածյալը բերման է ենթարկվել

ԵՐԵՎԱՆ, 8 օգոստոսի– Sputnik. Երևանի կենտրոնում նախօրեին մի խումբ տղամարդկանց միջև ծագած վեճն ավարտվել է դանակահարությամբ, վեճի մասնակիցներից մեկը ծանր վնասվածք է ստացել,  հաղորդում է Քննչական կոմիտեի կայքը։

Ինչպես նշվում է հաղորդագրության մեջ, օգոստոսի 7-ին ժամը 19։30-ի սահմաններում Երևանի Մաշտոցի պողոտայում տեղի է ունեցել վիճաբանություն։

Նախնական քննության տվյալներով, վեճի մասնակիցներից մեկը` Գ. Խաչատրյանը իր մոտ եղած դանակով հարվածներ է հասցրել քաղաքացի Գրիգոր Գրիգորյանի կրծքավանդակին` պատճառելով ծանր մարմնական վնասվածքներ։ Խաչատրյանը հարվածել է կրծքավանդակի ձախ կողմին` վնասելով թոքը։

Այնուհետև Խաչատրյանը փորձել է դիմել փախուստի, սակայն դեպքի վայրում բռնվել է ոստիկանության աշխատակիցների կողմից և բերման ենթարկվել:

Դեպքի առթիվ Կենտրոն և Նորք-Մարաշ վարչական շրջանների քննչական բաժնում հարուցվել է քրեական գործ՝ ՀՀ քրեական օրենսգրքի 112-րդ հոդվածի 1-ին մասով (Մարմնական վնասվածքի կամ առողջության այլ ծանր վնասի դիտավորյալ պատճառելը, ինչը պատժվում է 3–7 տարվա ազատազրկմամբ):

Դեպքի վայրի զննությամբ առգրավվել է հանցագործության գործիք հանդիսացող դանակը:

Քրեական գործի նախաքննությունը շարունակվում է:

Գլխավոր թեմաներ