10:21 22 հոկտեմբերի 2017
Ուղիղ եթեր
Армянские дети поедут в Тбилиси на матч Барселона-Севилья

Հայ երեխաները կմեկնեն Թբիլիսի` դիտելու «Բարսելոնա»–«Սևիլյա» հանդիպումը

© Sputnik/
Հայաստան
Ստանալ կարճ հղումը
1000 0 0

ՈւԵՖԱ–ի «Խաղաղության աղավնիներ» ծրագրի շրջանակում յոթ երկրներից, այդ թվում Հայաստանից և Ռուսաստանից ժամանած երեխաները կմասնակցեն Խաղաղության շքերթին, որը կկազմակերպվի «Բարսելոնա»–«Սևիլյա» հանդիպումից առաջ

ԵՐԵՎԱՆ, 9 օգոստոսի– Sputnik. Գյումրու և Գավառի մանկատների 19 սաներ ՈւԵՖԱ–ի «Խաղաղության աղավնիներ» ծրագրի շրջանակում կմեկնեն Թբիլիսի` դիտելու «Բարսելոնա»–«Սևիլյա» ֆուտբոլային հանդիպումը, ուրբաթ լրագրողներին Ֆուտբոլի ակադեմիայում տեղեկացրեց Հայաստանի ազգային ֆուտբոլային հավաքականների մենեջեր Դավիթ Ավանեսյանը։

ՈւԵՖԱ–2015 սուպերգավաթի շրջանակում «Բարսելոնա»–«Սևիլյա» հանդիպումը տեղի կունենա օգոստոսի 11–ին Թբիլիսիի «Դինամո Արենա» մարզադաշտում։ Հանդիպումը կսկսվի տեղական ժամանակով ժամը 22։45–ին։

«Երեխաները կմեկնեն Թբիլիսի այսօր Վրաստանի ֆուտբոլի ֆեդերացիայի հրավերով, ինչպես նաև Հայաստանի ֆուտբոլի ֆեդերացիայի աջակցությամբ։ Հանդիպումից առաջ նրանք կմասնակցեն Խաղաղության շքերթին, որի ավարտից հետո կսկսվի «Բարսելոնա»–«Սևիլյա» հանդիպումը», – ասաց Ավանեսյանը։

Խաղաղության շքերթին կմասնակցեն պատանի երկրպագուներ` յոթ երկրներից` Թուրքիայից, Ադրբեջանից, Մոլդովայից, Ռուսաստանից, Ղազախստանից։

ՈւԵՖԱ–ի մանկական հիմնադրամը ստեղծվել է ՈւԵՖԱ–ի նախագահ Միշել Պլատինիի նախաձեռնությամբ` սպորտով, մասնավորապես ֆուտբոլով զբաղվելու երեխաների ձգտմանն աջակցելու նպատակով։ Նախագիծն ընդգծում է հանուն հասարակության բարօրության ֆուտբոլի և նրա հանրաճանաչությունն օգտագործելու ՈւԵՖԱ–ի մշտական ձգտումը։

Գլխավոր թեմաներ