04:55 12 դեկտեմբերի 2017
Ուղիղ եթեր
студент вуз сессия абитуриент

Տարբեր երկրներից շուրջ 85 ուսանող է մասնակցել Հայաստանում «Ամառային դպրոց 2015» ծրագրին

© АРКА
Հայաստան
Ստանալ կարճ հղումը
722 0 0

«Ամառային դպրոցների» նպատակն անձի ոչ միայն կրթական ներուժի բացահայտումն է, այլև նրա ինքնահաստատումը և զարգացումը

ԵՐԵՎԱՆ, 24 օգոստոսի – Sputnik. Տարբեր երկրներից շուրջ 85 ուսանող է մասնակցել Հայաստանում Աղանվաձորի ուսումնական բազայում անցկացված «Ամառային դպրոց 2015» ծրագրին, որի փակման արարողությանը մասնակցել է Հայաստանի կրթության և գիտության նախարար Արմեն Աշոտյանը, հաղորդում է կրթության և գիտության նախարարության պաշտոնական կայքը։

«Ամառային դպրոց» ծրագիրն արդեն երրորդ տարին իրականացվում է Հայաստանի Մանկավարժական համալսարանի, Հայաստանի երիտասարդական հիմնադրամի և ՀՊՄՀ-ի ուսանողական խորհրդի հետ համատեղ։

Աշոտյանի խոսքով` «Ամառային դպրոցների» և ոչ ֆորմալ կրթության այլ տեսակների նպատակն անձի ոչ միայն կրթական ներուժի բացահայտումն է, այլև  նրա ինքնահաստատումը և զարգացումը։

«Դրանց շնորհիվ մասնակցները ձեռք են բերում նոր ծանոթություններ, շփվում օտարազգի իրենց հասակակիցների հետ և ձևավորում հասարակություն մտնելու նոր կարողություններ, մարդկային հարաբերությունների նոր հարթակ», — նշել է նախարար Արմեն Աշոտյանն ու մասնակիցներին հանձնել մասնակցության դիպլոմներ:

Նախարարը, ով բազմիցս մասնակցել է «Ամառային դպրոցների», վստահեցրել է, որ ծրագիրը` որպես մանկավարժական մեթոդ, ներազդեցության, ներգործության ամենաարդյունավետ ձևերից է։

Նա նաև ընդգծել է, որ Մանկավարժական համալսարանը վերջին տարիներին ամենաինտենսիվ բարեփոխվող բուհերից է և հորդորել է շարունակել համագործակցությունը միջազգային հաստատությունների հետ` իրականացնելով այլ ծրագրեր ևս:

Մանկավարժական համալսարանի ռեկտոր Ռուբեն Միրզախանյանը շնորհակալություն է հայտնել համագործակից բուհերի ռեկտորներին և ծրագրի կայացման աջակիցներին` վստահեցնելով, որ տարբեր ազգեր միավորող երիտասարդական աննախադեպ ծրագիրը կլինի շարունակական:

Փակման հանդիսավոր միջոցառման ժամանակ ծրագրի մասնակիցներն անակնկալներ էին պատրաստել ներկաների համար` ազգային երգ ու պար, յուրօրինակ համարներ, հայկական բնաշխարհը պատկերող նկարներ։

Այս տարի փոխանակման ծրագրին մասնակցում էին  ուսանողներ ՀՊՄՀ-ից,  Արցախի պետական համալսարանից, ՌԴ-ի Մոսկվայի քաղաքային հոգեբանամանկավարժական, Սանկտ-Պետերբուրգի պետական տնտեսագիտական, Լիտվայի կրթական գիտությունների, Ֆինլանդիայի Օուլույի և Բելառուսի Մաքսիմ Տանկի անվան պետական մանկավարժական համալսարաններից։

Գլխավոր թեմաներ