ԵՐԵՎԱՆ, 28 օգոստոսի– Sputnik. Փակվել է «Կյանքի խոսք» միջնակարգ դպրոցը, որն ասոցացվում Էր համանուն կրոնական կազմակերպության հետ, գրում է «Հայկական ժամանակ» օրաթերթը։
ՀՀ կրթության և գիտության նախարարի խոսնակ Զոհրապ Եգանյանը «Հայկական ժամանակի» հետ զրույցում այս առնչությամբ ասել է, որ 2011 թվականին ԿԳ նախարարության կողմից իրականացված ստուգումների արդյունքում հայտնաբերվել են մի շարք խախտումներ, ինչի պատճառով «Կյանքի խոսքը» զրկվել Է տարրական դասարաններում կրթություն կազմակերպելու լիցենզիայից։ Իսկ վերջին օրերին, ահա, ըստ Զոհրաբ Եգանյանի, դիմում է ստացվել ՀՀ կրթության և գիտության նախարարություն, որով նրանք տեղեկացնում են, որ ինքնակամ դադարեցնում են իրենց գործունեությունը։ Ասել Է թե՝ լիցենզիա չեն ունենա նաև բարձր դասարաններում ուսուցում կազմակերպելու համար։
Հարցին, թե այդ դիմումի մեջ պատճառաբանվե՞լ է դպրոցը փակելու մտադրությունը, Զոհրաբ Եգանյանը պատասխանել է, որ գործունեությանը դադարեցնելը նրանց իրավունքն Է։
Թերթը փորձել է զրուցել նաև «Կյանքի խոսք» դպրոցի տնօրեն Ելենա Էթարյանի հետ։ Պարզվել է, որ նա այս օրերին Հայաստանում չէ։ Իսկ հարազատները փոխանցել են, որ «Կյանքի խոսքը» չի գործում արդեն երկու տարի։
«Բայց մտադրություն կա 2017-2018 ուսումնական տարում վերաբացել այն՝ արդեն շենքային նոր պայմաններով և պահանջվող նորմերին համապատասխան»,–գրում է թերթը։
2014/2015թթ. խաղաշրջանում լավագույն կին ֆուտբոլիստ է ճանաչվել գերմանուհի Սելիա Սասիչը, ով 27 տարեկանում ավարտել է կարիերան 2015թ.–ի աշխարհի առաջնությունից հետո։ Սասիչը դարձել է մրցաշարի լավագույն ռմբարկուն, որտեղ գերմանուհիները 6 գոլով դարձել են չորրորդը։
