ԵՐԵՎԱՆ, 28 օգոստոսի – Sputnik. IX միջազգային երաժշտական փառատոնը Երևանում կանցկացվի սեպտեմբերի 10-ից հոկտեմբերի 28-ը, հայտնում է Հայաստանի ազգային ֆիլհարմոնիկ նվագախմբի մամուլի ծառայությունը։
Փառատոնին, որն այս տարի նվիրված է լինելու Հայաստանի ազգային ֆիլհարմոնիկ նվագախմբի 90-ամյակին, կմասնակցեն երաժիշտներ տարբեր երկրներից։
Փառատոնի բացումը կնշանավորվի ռուս ջութակահար Վադիմ Րեպինի ելույթով, որը կկատարի Բրուխի «Համերգ ջութակի համար» և Մալերի «Սիմֆոնիա N1. Տիտան» նվագախմբի ուղեկցությամբ։
Փառատոնի ծրագիրը բավականին հարուստ է և նարառում է հայտնի երաժիշտների և կոլեկտիվների կատարումներ, ինպես նաև համաշխարհային դասական երաժշտության ստեղծագործություններ։
Այսպես, Երևանում ելույթ կունենան ալտահար Քիմ Քաշքաշյանն ԱՄՆ–ից, թավջութակահար Ալեքսանդր Չաուշյանը Մեծ Բրիտանիայից, ջութակահար Անուշ Նիկողոսյանը Հայաստանից, դաշնակահար Բարի Դուգլասն Իռլանդիայից և Բորոդինի քառյակը։
Կհնչեն Մոցարտի, Բեթհովենի, Բրամսի, Շուբերտի և Շնիտկեի ստեղծագործությունները։ Հանդիսատեսին սպասվում են երևանյան մի քանի պրեմիերաներ։
Երաժիշտներն ամբողջ աշխարհից աշնանը կհավաքվեն Երևանում` IX երաժշտական փառատոնին մասնակցելու համար
CC BY-SA 3.0 / Haakon S. Krohn / The Cascade of Yerevan
Բաժանորդագրվել
Փառատոնին մասնակցելու համար Երևան կժամանեն երաժիշտներ աշխարհի տարբեր երկրներից, կհնչեն Մոցարտի, Բեթհովենի, Բրամսի, Շուբերտի և Շնիտկեի ստեղծագործությունները
