11:22 22 օգոստոսի 2017
Ուղիղ եթեր
Самвел Мартиросян

Փորձագետ. հայ օգտատերերի տվյալները կպաշտպանվեն պետական մակարդակով

© Sputnik/ Асатур Есаянц
Հայաստան
Ստանալ կարճ հղումը
37520

Հասարակությունը մշտապես կտեղեկանա տվյալների կորստի հետ կապված միջադեպերի մասին, ասաց տեղեկատվական անվտանգության փորձագետ Սամվել Մարտիրոսյանը

ԵՐԵՎԱՆ, 3 սեպտեմբերի– Sputnik. Օգտատերերի անձնական տվյալների պաշտպանության հարցերով հատուկ մարմին կստեղծվի Հայաստանում` «Անձնական տվյալների մասին» նորացված օրենքին համապատասխան, Sputnik Արմենիա կայքին ասաց տեղեկատվական անվտանգության հարցերով փորձագետ Սամվել Մարտիրոսյանը։

Նրա խոսքով` դա շատ կարևոր որոշում է, քանի որ մարդիկ մշտապես տեղյակ կլինեն, թե ինչ է տեղի ունենում երկրում։

«Օրինակ, հասարակությունը մշտապես կիրազեկվի միջադեպերի մասին, որոնք կապված են տվյալների կորստի հետ»,– ասաց Մարտիրոսյանը։

Նա նշեց, որ որոշ խոշոր ընկերություններ, մասնավորապես, բջջային օպերատորներ, հավաքում են իրենց բաժանորդների տվյալները, և դրանց կորստի դեպքում նրանք պարտավոր են ծանուցել այդ մասին։

Խոսելով հայ օգտատերերի տվյալների անվտանգության հետ կապված ներկա իրավիճակի մասին` փորձագետը նշեց, որ այդ հարցը դեռ պետք է մշակվի։

«Օրինակ, մարդկանց թվում է, որ կասկածելի հղումին սեղմելու հետևանքով համակարգիչ թափանցած վիրուսը կարելի է ջնջելով վերացնել և կրկին տեղադրել հիմնական զննարկիչը։ Բայց մեծամասամբ օգտատերը նույնիսկ չգիտի, թե ինչպես ջնջի զննարկիչը։ Դա վերաբերում է բոլոր տարիքի մարդկանց»,– նշեց Մարտիրոսյանը։

Նրա խոսքով` վիրուսների հետ կապված շատ համակարգչային խնդիրներից ազատվել կարելի է ֆորումները և որոնողական համակարգերը դիտելով։

«Անվանի հակավիրուսային ընկերությունները պարբերաբար հաշվետվություններ են ներկայացնում անվտանգության և գրագիտության վարկանիշի մասին, և Հայաստանը հաճախ հայտնվում է օգտատերերի վրա գրոհների քանակով աշխարհի երկրների առաջին եռյակում»,– ասաց փորձագետը։

Մարտիրոսյանը հավելեց, որ դա չի նշանակում, որ հայերի վրա հատուկ հարձակումներ են գործում, դա ուղղակի վկայում է այն մասին, որ նրանք այցելում են «անպետք» կայքեր։

Փորձագետը նաև դպրոցական ծրագրերի վերանայման անհրաժեշտություն է տեսնում, որպեսզի Հայաստանի բնակիչներն արդեն վաղ տարիքից իմանան, թե ինչպես ճիշտ օգտվեն համակարգչից, ինչպես պաշտպանեն իրենց անձնական տվյալները և ինչպես ազատվեն վիրուսներից։

Գլխավոր թեմաներ