20:08 19 նոյեմբերի 2019
Ուղիղ եթեր
  • USD476.98
  • GBP617.88
  • EUR527.92
  • RUB7.49
джазмены Ваагн Айрапетян и Лорен Робин

Yerevan Jazz Fest 2015 ընթացքում Երևանում սպասվում է հեքիաթային ջազի տոն

© Sputnik / Асатур Есаянц
Հայաստան
Ստանալ կարճ հղումը
188410

Երևանի հանդիսատեսին կգերեն Yerevan Jazz Fest 2015–ին մասնակցող արտիստները, ասել է հայտնի ջազմեն Լևոն Մալխասյանը

ԵՐԵՎԱՆ, 17 սեպտեմբերի – Sputnik. Երևանը առաջիկա երեք օրերին կընկղմվի ջազի հեքիաթային մթնոլորտի մեջ` Հայաստանի մայրաքաղաքում հինգշաբթի մեկնարկում է Yerevan Jazz Fest 2015 ջազի փառատոնը, որին մասնակցելու են տարբեր երկրների հայտնի երաժիշտներ։

джазмен Левон Малхасян
© Sputnik / Асатур Есаянц
Ջազմեն Լևոն Մալխասյան

«Ես շատ ուրախ եմ, որ երկարատև ընդմիջումից հետո Երևանում կկայանա միջազգային փառատոն։ Երևանի հանդիսատեսին կհետաքրքրեն արտիստները, ովքեր մասնակցելու են միջոցառմանը։ Հուսով եմ, որ փառատոնը կանցնի բարձր մակարդակով, քանի որ կազմակերպիչները մանրակրկիտ պատրաստվել են դրան», – փառատոնի մեկնարկին նվիրված մամուլի ասուլիսի ժամանակ ասել է ջազմեն Լևոն Մալխասյանը։

Джазмен Армен Тутунджян (Чико)
© Sputnik / Asatur Yesayants.
Ջազմեն Արմեն Թութունջյանն (Չիկո)

Ջազմեն Արմեն Թութունջյանն (Չիկո) իր հերթին, հույս  հայտնեց, որ փառատոնը, որն անցկացվելու է սեպտեմբերի 17-19-ը, ավանդական կդառնա և խթան կհանդիսանա, որպեսզի մարդիկ ավելի շատ բարձրորակ երաժշտություն լսեն։ Նա նաև հիշեցրեց այն մասին, որ Հայաստանը հարուստ ջազ ավանդույթներ ունեցող երկիր է և իր արժանի տեղն է զբաղեցնում համաշխարհային ջազի քարտեզում։

Փառատոնի հյուր` ավստրիացի երաժիշտ Հյուբերտ Թաբսն ասաց, որ շատ ուրախ է առաջին անգամ այցելել Հայաստան, որի մասին շատ է լսել իր հայ ընկերներից, և անհամբեր սպասում է համերգին։

австрийский музыкант Хьюберт Таббс
© Sputnik / Асатур Есаянц
Ավստրիացի երաժիշտ Հյուբերտ Թաբս

«Ես ուրախ եմ, որ փառատոնն ու լավ երաժշտությունը հետաքրքիր են հայ հանդիսատեսի համար։ Նախատեսվում է, որ փառատոնն ամենամյա է դառնալու։ Մանսակիցների աշխարհագրությունն ու թվաքանակը, որոնք մասնակցելու են Yerevan Jazz Fest 2016, նախատեսվում է ընդլայնել», – ասաց ասոցիացիայի տնօրեն Կամո Մովսիսյանը։

Փառատոնը կբացվի Հայաստանի հեռուստատեսության և ռադիոյի պետական էստրադային սիմֆոնիկ նվագախումբի ելույթով` Երվանդ Երզնկյանի ղեկավարությամբ և հայտնի վրացի կատարող Նինո Կատամաձեի կատարումներով։ Համերգին կմասնակցեն նաև Արցախի ջազ նվագախումբը, ջազմեններ Վահագն Հայրապետյանը, Արմեն Թութունջյանը, Կարեն Մամիկոնյանը, Սերգեյ Մանուկյանը և այլ երաժիշտներ։

 

 

Դիրիժոր և երաժիշտ Կոնստանտին Օրբելյանի ստեղծագործությանը նվիրված եզրափակիչ համերգին հանդիսատեսին հատուկ ծրագիր է սպասում` Մարիամ և Արմեն Մերաբովների ելույթը` Արմեն Հյուսնունցի ղեկավարությամբ` Պետական ջազ նվագախմբի նվագակցությամբ։ Ելույթ կունենան նաև Վազգեն Ասատրյանը, Էռնա Յուզբաշյանը, Հյուբերտ Թաբսը։

Փառատոնի գլխավոր հյուրը կլինի հայտնի վոկալիստ, մի քանի գործիք նվագող Ռիչարդ Բոնան ԱՄՆ–ից։

Գլխավոր թեմաներ