02:51 21 օգոստոսի 2017
Ուղիղ եթեր
Сурик Хачатрян

Սյունիքի մարզպետի որդին ազատ արձակվեց

Blognews
Հայաստան
Ստանալ կարճ հղումը
953 0 0

Մարզպետի որդին կալանքի տակ էր հուլիսի 27-ից, հոկտեմբերի 1-ին, սակայն, դատախազությունը վերացրել է Սյունիքի մարզպետի որդու՝ Տիգրան Խաչատրյանի նկատմամբ ընտրված խափանման միջոցը

ԵՐԵՎԱՆ, 1 հոկտեմբերի – Sputnik. Մամուլին հասած տեղեկությունների համաձայն՝  «Նուբարաշեն» ՔԿՀ-ից ազատ է արձակվել Տիգրան Խաչատրյանը` Սուրիկ Խաչատրյանի որդին:

Սյունիքի մարզպետը լրագրողներից մեկի հարցին ի պատասխան մասնավորապես նշել է. «Անկեղծ ասած, ուշացրել են, ավելի շուտ պետք է ազատ արձակեին»:

Նա հայտնել է նաև, որ թեև որդին արդեն ազատության մեջ է, սակայն ինքը որդուն դեռ չի տեսել: Նշենք, որ մարզպետի որդին կալանքի տակ էր հուլիսի 27-ից: Հոկտեմբերի 1-ին, սակայն, դատախազությունը վերացրել է Սյունիքի մարզպետի որդու՝ Տիգրան Խաչատրյանի նկատմամբ ընտրված խափանման միջոցը:

Երեկ քննչական կոմիտեն միջնորդություն էր ներկայացրել դատախազություն՝ Տ. Խաչատրյանի խափանման միջոց կալանավորումը փոխելու հարցով, ինչը, փաստորեն, բավարարվել է: Նման միջնորդության համար հիմք էր հանդիսացել տուժող Հարություն Զաքարյանի կողմից ցուցմունքը փոխելը: Դեռևս սեպտեմբերի 22-ին հարցաքննության ժամանակ Հարություն Զաքարյանը չի պնդել, որ Տիգրանն է իրեն հարվածել: Խոսքն այս գործով կալանավորված մեկ այլ մեղադրյալի՝ Յուրա Մանուչարյանի մասին է, ով խոստովանել է, որ ինքն է հարվածել Հարություն Զաքարյանին:

Ավելի վաղ Քննչական կոմիտեն հաղորդել էր, որ 2015թ. մայիսի 2-ին՝ ժամը 17:00-ի սահմաններում, տեղի է ունեցել վիճաբանություն՝ դրանից ժամեր առաջ Գորիս քաղաքում տեղի ունեցած ավտովթարի կապակցությամբ, որի հետևանքով վնասվել էր  Մուշեղ Զաքարյանի վարած ավտոմեքենայի կողային հայելին։

Վիճաբանության ժամանակ մի խումբ անձանց կողմից բռնություն է գործադրվել Մուշեղ և Հարություն Զաքարյանների նկատմամբ, որի հետևանքով Մ. Զաքարյանին պատճառվել է միջին ծանրության, իսկ Հ.Զաքարյանին` ծանր մարմնական վնաս:

Դեպքից մեկ ամիս անց տուժող Հարություն Զաքարյանը հայտարարել է, որ հենց Տիգրանն է իր աչքի վնասվածքը հասցրել, ինչից հետո ինքը կորցրել է տեսողությունը։ Տիգրան Խաչատրյանը պնդում է, որ ներկա է եղել վեճին, սակայն որևէ մեկին վնասվածք չի հասցրել, ինքը միայն փորձել է բաժանել վիճողներին։ Հուլիսի 27-ին Տիգրան Խաչատրյանին մեղադրանք է առաջադրվել Քրեական օրենսգրքի 112-րդ հոդվածի 1-ին մասով: Խափանման միջոց է ընտրվել կալանավորումը:

Գլխավոր թեմաներ