ԵՐԵՎԱՆ, 6 հոկտեմբերի – Sputnik. Գի դը Մոպասանի «Սիրելի բարեկամ» վեպի հիմնական ասելիքը «Զգույշ մնացեք սիրելի բարեկամից» միտքն է, մեծ ֆրանսիացի գրողի վեպի քննարկման ժամանակ ասաց հայտնի երգիչ և շոումեն Արամ MP3–ը։
«Սիրելի բարեկամ» (ֆր. Bel-Ami) ֆրանսիացի գրող Գի դը Մոպասանի 1885 թվականի գրած վեպն է, որը պատմում է արկածախնդիր մի մարդու մասին, ով երազում է հրաշալի կարիերա անել։ Նա չունի որևէ տաղանդ, բացի նրանից, որ իր արտաքինով կարող է գրավել ցանկացած կնոջ սիրտը, իսկ խիճը նրան ներում է ցանկացած վատ արարք։ Եվ… Դա բավականացնում է, որ նա դառնա այս աշխարհի ուժեղ մարդկանցից մեկը։
«Մոպասանի «Իմ բարեկամը» հետաքրքիր ստեղծագործություն է, որը կոնկրետ առնչություն չունի ժամանակի հետ։ Այդպիսի մարդիկ ապրում են նաև այսօր մեր շրջապատում», – ասաց Արամը։
Նա ընտրել է այս վեպը, քանի որ շատ վաղուց էր կարդացել և վերընթերցելով` հասկացել է, որ սա այն ստեղծագործություններից է, որոնց պետք է կանոնավոր վերադառնալ` ամեն անգամ նորովի ընկալելով այն։
«Դյուրուան XVIII դարի ֆրանսիական հասարակության շրջանակներում էր պտտվում, այն ժամանակվա սոցիումի տիպիկ ներկայացուցիչ է, այն հասարակության, որտեղ դավաճանությունները սովորական երևույթ էին համարվում։ Այս ամենը հասկանալով` Դյուրուայի կերպարը դադարում է շատ բացասական ընկալվել», – ասաց Արամը։
Sputnik Արմենիայի այն հարցին, թե ինքն իրեն ասոցացնու՞մ է վեպի գլխավոր հերոսի հետ և կանանց սիրաշահե՞լ է իր նպատակներին հասնելու համար` Արամը պատասխանեց, որ շատ մտերիմ հարաբերությունների գործը չէր հասնում, սակայն կանանց սիրաշահելու, նրանց բարեհաճությունը փնտրելու փորձեր եղել են։
Գրքի քննարկումն անցկացվեց «Խորհուրդ են տալիս հայտնիները» նախագծի շրջանակում, որը նախաձեռնել էր Հայաստանի ժամանակակից արվեստի միությունը և նպատակ ունի երիտասարդության շրջանում քարոզել ընթերցանությունը։
Երգիչ Արամ MP3–ը «Սիրելի բարեկամ» վեպի մասին
10:01 06.10.2015 (Թարմացված է: 17:50 12.10.2015)
© Shant TV
Բաժանորդագրվել
Արամ MP3–ը նշեց, որ իր կյանքում եղել է այնպիսի իրավիճակ, երբ փորձել է կանանց սիրաշահել
