11:42 25 սեպտեմբերի 2017
Ուղիղ եթեր
Модель Victoria's Secret Стелла Максвелл в Армении с дудукистом Дживаном Гаспаряном

Հայաստան, դուդուկ, տարազ և Victoria’s Secret-ի հրեշտակը Vogue Russia-ի լուսանկարներում

© Дэвид Мушегон
Հայաստան
Ստանալ կարճ հղումը
161510

Հայաստանը նախևառաջ լեգենդներով պարուրված տաճարներ են: Ամեն մի վանքից զգլխիչ տեսարան է բացվում

ԵՐԵՎԱՆ, 19 հոկտեմբերի- Sputnik. Vogue Russia-ի մշտական հեղինակ, ամերիկահայ լուսանկարիչ Դևիդ Մուշեղյանն ամիսներ առաջ առաջին անգամ եղավ պատմական հայրենիքում` Հայաստանում և հիացավ երկրի գեղեցկությամբ:

Vogue Russia-ի առաջարկով Մուշեղյանն էթնիկ ոճի շքեղ լուսանկարներ արեց` Կալիֆոռնիայից Հայաստան ժամանած իր մտերմուհի, սուպերմոդել Ստելլա Մաքսվելիի մասնակցությամբ:

Модель Victoria's Secret Стелла Максвелл в Армении
Victoria"s Secret-ի հրեշտակ Ստելլա Մաքսվել


Մուշեղյանը Victoria’s Secret-ի հրեշտակի պատկերով մի քանի հազար լուսանկար է արել:

Հայաստանը նախևառաջ լեգենդներով պարուրված տաճարներ են: Ամեն մի վանքից զգլխիչ տեսարան է բացվում: Օրինակ` Խոր Վիրապի տաճարից` դեպի աստվածաշնչյան Արարատ լեռը:

Vogue-ի խումբը հյուրընկալվեց նկարչուհի և ազգագրագետ Լուսիկ Ագուլեցուն, ով տարազների հավաքածու և սեփական թանգարան ունի: Լուսիկն ինքը միշտ հայկական ավանդական հագուստ է կրում:

Модель Victoria's Secret Стелла Максвелл в Армении с художницей Лусик Агулеци
Victoria"s Secret-ի հրեշտակ Ստելլա Մաքսվելը նկարչուհի Լուսիկ Ագուլեցու հետ


Մեկ օր նվիրված էր ուղևորությանը Սևան: Բացի մաքուր ջրից և լեռնային օդից,  Vogue Russia-ի խմբին ցնցեց միջնադարյան ճարտարապետության հուշարձան Սևանավանքը (IX դար):

Հայաստանի ամենահեղինակավոր դուդուկահար Ջիվան Գասպարյանը համագործակցել է «Գլադիատոր» ֆիլմի երաժշտությունը ստեղծելիս ու նաև ստացել  «Ոսկե գլոբուս»: 86-ամյա մաեստրոն մի քանի մեղեդի կատարեց:


Օդանավակայանի ճանապարհին Ստելլան խնդրեց կանգնեցնել մեքենան և կարմիր կակաչների փունջ հավաքեց: Իսկ Հայաստանում կարմիրը կանացիության գույնն է:

Գլխավոր թեմաներ