10:28 21 օգոստոսի 2017
Ուղիղ եթեր
Пустые курорты Египта. Как выглядит Хургада без туристов

Ինչպես են դատարկվում եգիպտական հանգստավայրերը

Арсений Несходимов / Salt Images
Հայաստան
Ստանալ կարճ հղումը
230 0 0

Lenta.ru–ն հրապարակել է Արսենի Նեսխոդիմովի ֆոտոշարքը, որում պատկերված են գրեթե դատարկված Հուրգադա և Էլ Գունա հանգստավայրերը

ԵՐԵՎԱՆ, 11 նոյեմբերի – Sputnik. Գաղտնիք չէ, որ ամեն տարի Ռուսաստանից և եվրոպական երկրներից, մասնավորապես Ֆրանսիայից ու Մեծ Բրիտանիայից մեծ թվով զբոսաշրջիկներ են մեկնում Եգիպտոս ծովափնյա մատչելի հանգիստ անցկացնելու համար: Սինայի թերակղզում ռուսական ու խորհրդային ավիացիայի պատմության մեջ գրանցված խոշորագույն ավիավթարից հետո իրավիճակը գլխիվայր փոխվել է: Վթարից հետո Ռուսաստանը հատուկ չվերթերով երկիր է վերադարձնում իր քաղաքացիներին: Նույն գործընթացն իրականացնում են նաև եվրոպական մի շարք երկրներ: Առայժմ Եգիպտոսը, չնայած մեծ ջանքերին, չի կարողանում  վերականգնել ապահով երկրի իր վարկանիշը:

Пустые курорты Египта. Как выглядит Хургада без туристов
Арсений Несходимов / Salt Images
Եգիպտոսի դատարկված հանգստավայրերը

Հայ զբոսաշրջիկներից շատերը նույնպես հրաժարվում են Եգիպտոս մեկնելու մտադրությունից: Տուրիստական գործակալություններից մի քանիսը փորձում են փաթեթները վերադարձնել, սակայն ավիաընկերությունները հրաժարվում են:

«Վերջին դեպքերից հետո հայաստանցիների շրջանում նվազել է դեպի Եգիպտոս ուղևորությունների պահանջարկը: Սակայն սխալ տեղեկություն է տարածվել, իբր տոմսերի գները նվազել են: Պարզապես Եգիպտոսը եղել և մնում է ամենամատչելի ուղղություններից մեկը: Մարդիկ էլ կան, որ այս օրերին առհասարակ հրաժարվում են ինքնաթիռ նստել: Դրա համար էլ ավելացել է դեպի Վրաստան պահանջարկը»,-ասում է «Շելբի տուր» տուրիստական գործակալության տնօրեն Մարինա Ավետիսյանը:

Пустые курорты Египта. Как выглядит Хургада без туристов
Арсений Несходимов / Salt Images
Եգիպտոսի դատարկված հանգստավայրերը

Մեր զրուցակիցը պատմում է, որ այս պահին Եգիպտոսում հանգստացող ընկերներ ունի: Նրանց խոսքով` իրավիճակը հանգիստ է, միայն թե Շարմ էլ Շեյխի օդանավակայանում փոքրիկ կուտակումներ կան` կապված վերը նշված երկրների` քաղաքացիներին Եգիպտոսից տարհանելու հետ:

Եգիպտոսի վերաբերյալ որևէ հաղորդագրությամբ հանդես չի եկել ՀՀ արտաքին գործերի նախարարությունը: ԱԳՆ մամուլի խոսնակ Տիգրան Բալայանը նշել է, որ դեռ ուժի մեջ է գերատեսչության` մի քանի ամիս առաջ արված հայտարարությունը: Հիշեցնենք, որ ամառային եռամսյակում նախարարությունը ՀՀ քաղաքացիներին հորդորել էր դուրս չգալ հանգստի տարածքներից: Հայտարարությունը տարածվել էր այն բանից հետո, երբ Եգիպտոսի զինուժը օդային հարվածներ և ցամաքային գործողություններ էր իրականացրել Հյուսիսային Սինայում:

Ինչ վերաբերում է Եգիպտոսում հանգստացող հայերի թվին, ՀՀ քաղավիացիայի գլխավոր վարչությունը վիճակագրական տվյալներ չունի: Հայաստանից Եգիպտոս կանոնավոր չվերթեր չկան` չհաշված Ամանորին իրականացվող մի քանի չարտերային թռիչքները:

Գլխավոր թեմաներ