15:48 23 օգոստոսի 2017
Ուղիղ եթեր
Армянское общество Красного креста (АОКК)

ԿԽՄԿ ներկայացուցիչներն այցելել են ադրբեջանական կողմում հայտնված հայ կնոջը

© Sputnik/
Հայաստան
Ստանալ կարճ հղումը
25 0 0

Այցելության ընթացում, իրենց մանդատի համաձայն, պատվիրակները հնարավորություն են ունեցել գնահատելու վերաբերմունքը ՀՀ քաղաքացու նկատմամբ, պահման պայմանները:

ԵՐԵՎԱՆ, 11 նոյեմբերի – Sputnik. Կարմիր խաչի միջազգային կոմիտեի Բաքվի գրասենյակի պատվիրակներն այցելել են ադրբեջանական կողմում հայտնված հայ կնոջը` սահմանամերձ Կոթի գյուղի բնակչուհի 76-ամյա Լուսիկ Աբովյանին, հայտնում է «Արմենպրես»-ը:

ԿԽՄԿ Հայաստանի գրասենյակի Հաղորդակցման ծրագրերի ղեկավար Զառա Ամատունին ասել է, որ նոյեմբերի 8-ին ազգային սահմանը հատած Հայաստանի քաղաքացուն կոմիտեի պատվիրակներն այցելել են նոյեմբերի 11-ին, այցելության ընթացում, իրենց մանդատի համաձայն, պատվիրակները հնարավորություն են ունեցել գնահատելու վերաբերմունքը ՀՀ քաղաքացու նկատմամբ, պահման պայմանները:


«Մեր առաքելությունն է նաև հնարավորություն ստեղծել ընտանիքի հետ կապը պահելու համար», — ասել է Ամատունին: ԿԽՄԿ պատվիրակների գնահատականներն ամփոփվում են հաշվետվության մեջ և քննարկվում պատասխանատու իշխանությունների ներկայացուցիչների հետ:


«Մեր մանդատի համաձայն` պատրաստ ենք աջակցելու հայրենադարձմանը. եթե կողմերի հայտը լինի, մենք կապահովենք միջնորդություն», — նշել է Ամատունին:

ՀՀ ոստիկանության Նոյեմբերյանի բաժնում հաղորդում էր ստացվել, որ նոյեմբերի 8-ին` ժամը 12:00-ի սահմաններում, Կոթի գյուղի 76-ամյա բնակչուհի Լուսիկ Աբովյանը դուրս է եկել տնից ու հետ չի վերադարձել:

Գլխավոր թեմաներ