ԵՐԵՎԱՆ, 25 նոյեմբերի– Sputnik. Զինված խմբի վնասազերծման վայրի հարևանությամբ բնակվող մարդիկ պայթյուններ են լսել, հաղորդում է Sputnik Արմենիայի թղթակիցը դեպքի վայրից։
Նորք Մարաշ համայնքի սեփական տներից մեկում Հայաստանի Ազգային անվտանգության ծառայության աշխատակցիները, «Ալֆա» հատուկ ստորաբաժանումը և Ոստիկանության կազմակերպված հանցավորության դեմ պայքարի գլխավոր վարչությունը Երևանում վնասազերծել են մի խումբ զինված անձանց։
«Առավոտյան ժամը հինգի շրջանում լսվեցին կրակոցներ և պայթյուններ հիշեցնող աղմուկ։ Վախեցա դուրս գալ փողոց` հասկանալու համար, թե ինչ է տեղի ունենում։ Բայց մոտեցա պատուհանին և տեսա ոստիկանության շատ աշխատողների ու հատուկջոկատայինների։ Տան դարպաները կոտրված էին»,– լրագրողներին պատմեց հարևան տան բնակիչ Հենրիխ Սահակյանը։
Նա հաղորդեց, որ 15-20 օր առաջ է վերադարձել Երևան և այդ ընթացքում ոչ մի կասկածելի բան չի տեսել։ Միաժամանակ նա չի իմացել, թե ով է ապրում հարևան տանը։ Տունը, որտեղ գտնվել է խումբը, ներկա պահին շրջապատված է իրավապահ մարմինների աշխատակիցների կողմից։ Դեպքի վայրում են գտնվում նաև ԱԱԾ աշխատակիցները։ Ոստիկանությունը ոչ ոքի չի թողնում տան մոտ, հերթապահում է «Շտապօգնության» մեքենան։
