12:38 18 օգոստոսի 2017
Ուղիղ եթեր
Памятник армянскому драму напротив здания Центробанка

Հայաստանում խորհրդային ավանդների փոխհատուցում է ստացել ավելի քան 8 հազար մարդ

Sputnik / Асатур Есаянц
Հայաստան
Ստանալ կարճ հղումը
875 0 0

Հայաստանի կառավարությունը 2006թ.-ի մարտի 16-ին հաստատել է նախկին ԽՍՀՄ Խնայբանկի հանրապետական բանկում ավանդների համար փոխհատուցում տրամադրելու կարգը, որոնք դրվել են մինչև 1993 թ.-ի հունիսի 10-ը, ինչպես նաև դիմումը լրացնելու կարգը

ԵՐԵՎԱՆ, 27 դեկտեմբերի- Sputnik. Հայաստանում ԽՍՀՄ Խնայբանկի ավելի քան 8 հազար ավանդատուներ 2015թ.-ին փոխհատուցում են ստացել, հայտարարեց Հայաստանի աշխատանքի և սոցիալական հարցերի նախարար Արտեմ Ասատրյանը:

«Առաջնահերության կարգով ավանդները վերադարձվել են Ղարաբաղում ռազմական գործողությունների մասնակիցներին (3,321 մարդ), սահմանամերձ բնակավայրերի բնակիչներին, ինչպես նաև մինչև 1931թ.-ի դեկտեմբերի 31-ը ծնված սոցիալապես անապահով անձնանց»,- ասաց Ասատրյանը լրագրողներին:

Նա տեղեկացրեց, որ փոխհատուցումները վճարելու գործընթացը կշարունակվի նաև 2016թ.-ին, որի համար բյուջեից հատկացվել է 1,5 մլրդ դրամ (շուրջ 3 միլիոն դոլար), ինչպես 2015թ.-ին:

«2016թ.-ից փոխհատուցումը կիրականացվի անկախ ավանդատուների ապահովվածության աստիճանից»,- հավելեց նախարարը:

Միևնույն ժամանակ ավանդները նախկինի պես չեն փոխհատուցվի արդեն մահացած մարդկանց ժառանգներին:

Ինչպես հաղորդում է ՌԻԱ Նովոստին, ԽՍՀՄ Խնայբանկում «սառեցված» ավանդների փոխհատուցումները, որոնք տեղադրվել են մինչև 1993թ.-ի հունիսի 10-ը, տրամադրվում են միայն այն անձանց, որոնք 2005թ.-ի հուլիսի 1-ից 2006թ.-ի ապրիլի 1-ը ներառվել են նպաստ ստացող ընտանիքների ցուցակում:

 

 

Գլխավոր թեմաներ