13:18 27 սեպտեմբերի 2020
Ուղիղ եթեր
  • USD485.27
  • GBP617.36
  • EUR565.05
  • RUB6.28
Հայաստան
Ստանալ կարճ հղումը
96 0 0

Skyscanner-ի փորձագետներն ուսումնասիրել են ուղեցույցները, ֆորումները, ապրանքի ու կացարանի գներն ու կազմել այն երկրների վարկանիշը, որտեղ կարելի է մատչելի գնով հանգստանալ այս տարի: Վարկանիշը կազմելու ժամանակ ավիատոմսերի գները հաշվի չեն առնվել

ԵՐԵՎԱՆ, 20 հունվարի — Sputnik. Հայաստանը, Աբխազիայի ու Վրաստանի հետ ներառվել է մերձավոր արտասահմանի այն երկրների խմբում, որտեղ ռուսաստանցիները 2016 թվականին կարող են ցածր գնով լավ հանգստանալ, այսպիսի տվյալներ է բերում Skyscanner զբոսաշրջային պարբերականը:

Հայաստանում կեցությունը մեկ օրվա համար, կայքի տվյալների համաձայն, երկու անձի համար կազմում է 70 դոլար, Աբխազիայում և Վրաստանում, համապատասխանաբար, 65 և 80 դոլար:

Ամենաէժան ուղղություններից են Հարավ-Արևելյան Ասիայի երկրները: Այսպես, օրինակ, Հնդկաստանում և Ինդոնեզիայում երկու անձի համար հանգիստը կարժենա 40 դոլար:

Այդ երկրներից հետո ամենամատչելի երկրներից են Նեպալն ու Վիետնամը: Մեկ օրվա համար այդ երկրներում կարելի է ծախսել 45 դոլար, մի փոքր ավելի` Լաոսում ու Շրի-Լանկայում՝ 60 դոլար: Դեպի Կամբոջա ուղևորությունը կարող է արժենալ 70 դոլար:

Ամենամատչելի եվրոպական երկրների ցանկում են Սերբիան, Բուլղարիան, Չերնոգորիան, Ռումինիան և Հունգարիան: Այստեղ կարելի է ծախսել 70-85 դոլար:

Վարկանիշը կազմելու ժամանակ հաշվի չի առվել ավիափոխադրման արժեքը, քանի որ Ռուսաստանի տարբեր տարածաշրջաններից կախված` այն կարող է տարբեր լինել:

 

 

Գլխավոր թեմաներ