14:32 21 սեպտեմբերի 2017
Ուղիղ եթեր
Агроцентр Дружино в Омской области

Փորձագետ. Հայաստանը կարող է կրկնապատկել արտահանման ծավալը

© Sputnik/ Алексей Мальгавко
Հայաստան
Ստանալ կարճ հղումը
2920

Սու-24 ինքնաթիռի հետ կապված միջադեպից հետո Ռուսաստանը պատժամիջոցներ է սահմանել թուրքական արտադրության որոշ ապրանքների ներկրման վրա: Տնտեսագետ Վարդան Բոստանջյանը կարծում է, որ Հայաստանը կարող է մասամբ բավարարել ռուսական շուկայի պահանջները և կրկնապատկել արտահանման ծավալները

ԵՐԵՎԱՆ, 21 հունվարի- Sputnik. Sputnik Արմենիա ռադիոկայանի եթերում տնտեսագետ Վարդան Բոստանջյանը խոսում է այն մասին, թե կարո՞ղ է արդյոք Հայաստանը լրացնել ռուսական շուկայում բացը, հատկապես երբ վարչապետը մի քանի օր առաջ կոչ է արել կազմել այն ապրանքների ցանկը, որոնք պետք է արտահանվեն Ռուսաստան:

«Հայաստանը նման իրավիճակից, անշուշտ, կարող է մեծ օգուտներ քաղել: Մասնավորապես, 2015թ.-ին գրեթե 70 հազար տոննա գյուղատնտեսական մթերք է արտահանվել Ռուսաստան: Անկախ ՌԴ-ի պահանջից՝ Հայաստանը 2016թ.-ին կարող է կրկնապատկել այդ արդյունքը: Պարզ է, որ դրանով ողջ ՌԴ-ի պահանջարկն անհնար է բավարարել, բայց երկիրը կարող է ներառվել Ռուսաստանի շուկայում, ինչը շատ լավ է»,- ասաց տնտեսագետը:

Ըստ փորձագետի` դա վերաբերում է ոչ միայն գյուղատնտեսությանը, այլ նաև ցանկացած ոլորտի:

«Այսինքն, եթե Հայաստանում ուղղորդված տնտեսական քաղաքականություն իրականացնեն, որի համաձայն երկիրը կարողանա տարբեր արտադրատեսակներ ստեղծել, ինչի պոտենցիալ հնարավորությունները ունի, կարող է այդ շուկայի պահանջմունքները մասամբ բավարարել: Դա Հայաստանի համար չափազանց մեծ ու կարևոր խնդիր է»,- ասաց Բոստանջյանը:

 

Գլխավոր թեմաներ