20:20 26 սեպտեմբերի 2017
Ուղիղ եթեր
Школа

Դպրոցական արձակուրդները կրկին երկարացվեցին

Հայաստան
Ստանալ կարճ հղումը
198 0 0

Հայաստանի կրթության և գիտության նախարար Արմեն Աշոտյանի որոշմամբ` ուսումնական հաստատությունների արձակուրդները կերկարացվեն, որոշումը չի տարածվում բուհերի վրա

ԵՐԵՎԱՆ, 21 հունվարի — Sputnik. Ուսումնական հաստատությունների արձակուրդները կրկին կերկարացվեն, գրել է կրթության և գիտության նախարար Արմեն Աշոտյանը Facebook-ի իր էջում։

«Հիմք ընդունելով Հայաստանի Հանրապետության վարչապետի հանձնարարականը, հաշվի առնելով Հայաստանի Հանրապետության առողջապահության նախարարի միջնորդությունը, հայտնում եմ, որ հանրակրթական, նախնական և միջին մասնագիտական ծրագրեր իրականացնող պետական ուսումնական հաստատություններում արձակուրդները կերկարացվեն: Դասերը կվերսկսվեն փետրվարի 1-ից»,- նշել է նախարարը։

Տեղական ինքնակառավարման մարմիններին պատկանող, ինչպես նաև ոչ պետական հաստատություններին Աշոտյանն առաջարկել է առաջնորդվել նույն աշխատակարգով։ Սույն որոշումը չի տարածվում բուհերի վրա։

Նա տեղեկացրել է նաև, որ բաց թողնված դասերը կլրացվեն մինչ ուսումնական տարվա ավարտը։ Լրացման ձևերի և տարբերակների մասին ՀՀ ԿԳՆ-ն կտեղեկացնի լրացուցիչ:

 

Գլխավոր թեմաներ