Արման Վանեսքեհյան, Sputnik
Թուրքիան հերթական անգամ քաղաքական սադրանքների ու ռազմական արկածախնդրության է դիմել` ջանալով հնարավորինս սրել իրավիճակը Սիրիայի սահմանին՝ սիրիական հարցի շուրջ սպասվող բանակցությունների նախաշեմին, որոնք պետք է սկսվեն Ժնևում հունվարի 25-ին: Պաշտոնական Անկարան ձգտում է ամրապնդել սիրիական ընդդիմության քաղաքական դիրքերը:
Սա վերջին երկու օրերի ընթացքում արդեն երկրորդ անգամն է, որ Թուրքիայի կադրային ստորաբաժանումները գնդակոծում են սիրիական տարածքը: Եվ դա անում են առանց ՄԱԿ-ի մանդատ ունենալու և Իսլամական պետության (կազմակերպություն, որի գործունեությունն արգելված է Ռուսաստանում) գրոհայինների ջոկատները Սիրիայի տարածքում ոչնչացնելու ուղղությամբ գործողություններ իրականացնող արևմտյան կոալիցիայի հրամանատարության հրամանի:
Թուրքական հրթիռներով առաջին անգամ է գնդակոծվում սիրիական տարածքի այն հատվածը, որը գտնվում է ահաբեկիչների վերահսկողության տակ: Այն ժամանակ Թուրքիան բացատրել էր դա նրանով, որ այնտեղից գնդակոծության է ենթարկվել գյուղի դպրոցը, ինչի հետևանքով զոհվել է մեկ մարդ, վիրավորվել են աշակերտները: Սակայն արդեն երեկ գնդակոծվել է հայկական Քեսաբ քաղաքը, որը գտնվում է սիրիական կանոնավոր բանակի կադրային ստորաբաժանումների վերահսկողության տակ:
Ինչպես Քեսաբի բնակիչները պատմել են Հայ-արաբական միջազգային իրավաբանական միության գլխավոր քարտուղար, Քեսաբում ծնված Վահե Մաշիկյանին, հունվարի 20-ի ցերեկը ժամը երեքին մոտ «Գրադ» համակարգի երկու հրթիռներ են ընկել քաղաքի վրա: Մեկը՝ Սուրբ երրորդություն հայկական եկեղեցուց ոչ հեռու, երկրորդը՝ տեղի մզկիթի կողքին: Քաղաքում ծանր վիրավորներ կան:
Հարկ է հատուկ ուշադրություն դարձնել այն հանգամանքին, որ հայկական Քեսաբ քաղաքը 2014 թվականի մարտին զավթվել էր ոչ թե իսլամական պետության գրոհայինների, այլ Ալ Նուստրայի զինված ջոկատների կողմից: Ընդ որում, հենց թուրքական կադրային ստորաբաժանումներն են այդ կազմակերպության ջոկատներին հրետանային աջակցություն ցուցաբերել: Այլապես, ինչպես պնդում էին այն ժամանակ հայերը, Ալ Նուստրան, որին փաստորեն պաշտոնապես աջակցում է Թուրքիան, ոչ մի դեպքում չէր կարողանա զավթել քաղաքն ու ստիպել հայկական ինքնապաշտպանական ջոկատներին նահանջել:
Այնուհետև` արդեն 2014 թվականի ամռանը, Սիրիայի գործող նախագահ Բաշար ալ Ասադին հավատարիմ կադրային ստորաբաժանումները, հայկական ինքնապաշտպանական ջոկատների, ռուսական ավիացիայի ու իրանական Համսայի աջակցությամբ, ազատագրեցին Քեսաբը:
Ու քաղաքը լքած 1800 հայ բնակիչներ վերադարձան իրենց ավերված ու թալանված տները: Վերադարձան, սկսեցին վերականգնել տունն ու տնտեսությունը, և հանկարծ կրկին հրթիռահրետանային գնդակոծություն իրականացվեց Թուրքիայի տարածքից:
Ակնհայտ է, որ դա թուրքական կողմի հերթական սադրանքն է: Թուրքիան դեռ հույս ունի, որ սիրիա-թուրքական սահմանին գտնվող շրջաններում իրավիճակը հնարավորինս սրված կլինի:
