ԵՐԵՎԱՆ, 26 հունվարի — Sputnik. Թռիչքները կիրականացվեն շաբաթը չորս անգամ A320 ինքնաթիռներով: Այս մասին Facebook սոցիալական ցանցում գրառում է կատարել Հայաստանի քաղավիացիայի գլխավոր վարչության մամուլի քարտուղար Թաթուլ Գրձելյանը։
Չվերթը իրականացվելու է A320 ինքնաթիռով շաբաթական 4 անգամ:
Քաղաքացիական ավիացիայի գլխավոր վարչության պետ Արտյոմ Մովսեսյանը բարձր է գնահատում Qatar Airways ընկերության արհեստավարժ թիմի պատրաստվածությունը և բարեկամական տրամադրվածությունը.
«Ուրախ եմ, որ մեր երկու տարի շարունակվող բանակցությունները եղան արդյունավետ»,– ասել է Մովսեսյանը:
Qatar Airways ընկերության գլխավոր գործադիր տնօրեն Ակբար ալ-Բաքերը համարում է, որ Դոհա-Երևան-Դոհա չվերթը հայաստանցիներին լավ հնարավորություն կընձեռնի ճանապարհորդել 150 ուղղություններով, որոնք սպասարկում է ավիաընկերությունը:
Qatar Airways ընկերությունը նշում է նաև, որ Երևանը հանդիսանում է աշխարհի ամենահին և անընդմեջ բնակեցված քաղաքներից մեկը, որն ունի հարուստ պատմություն, մշակույթ և ճարտարապետություն:
