10:37 21 օգոստոսի 2017
Ուղիղ եթեր
Чай

Չինական թեյ և հայկական քաղցրավենիք

© Sputnik/ Асатур Есаянц
Հայաստան
Ստանալ կարճ հղումը
133 0 0

Չինական թեյի և հայկական քաղցրավենիքի «ընկերակցությամբ» Հայ-չինական մշակույթի օրվա կազմակերպիչները պատմեցին նախատեսված միջոցառումների մասին

ԵՐԵՎԱՆ, 4 փետրվարի — Sputnik. Երևանում փետրվարի 8-25-ը կանցկացվեն Հայ-չինական մշակույթի օրեր: Կազմակերպիչներն այդ մասին հաղորդեցին լրագրողներին մամուլի ասուլիսի ժամանակ, որն ավելի շուտ թեյի արարողություն էր հիշեցնում:

Ողջ փետրվարը հարուստ է հայ-չինական միջոցառումներով, որոնց միջոցով մարդիկ իմանում են երկու ժողովուրդների համագործակցության նախադրյալների, ընդհանուր գծերի և շփման եզրերի մասին:

«Ընդհանուր գծեր նկատվում են ինչպես մարտական պարերում, այնպես էլ երաժշտության մեջ: Այդ մասին կպատմենք վեց միջոցառումներից մեկի ժամանակ, որոնք տեղի կունենան Հայաստանում փետրվարին»,- ասաց ավանդական ուշուի ֆեդերացիայի նախագահ Տիգրան Չոբանյանը:

Մինչ խոսնակները ԶԼՄ-ների ներկայացուցիչներին ներկայացնում էին հայ-չինական համագործակցության բարդությունները, լրագրողներին և հյուրերին բաժանեցին թեյի բաժակներ՝ ավանդական չինական ըմպելիքով:

Այն մասին, որ Հայաստանը և Չինաստանը սկսել են համագործակցել դեռ մեր թվարկությունից առաջ, հայտնի փաստ է՝ հաստատված գիտնականների կողմից: Այսօրվա դրությամբ Չինաստանում գործում է բազմահազարանոց հայ համայնք, Հոնկոնգի երկու փողոցներ կրում են անցյալ դարի հայ գործիչ Խաչիկ Աստվածատրյանի անունը:

Նշված միջոցառումների շրջանակում Հայաստանում կնշվի չինական Նոր տարին, կներկայացվեն չինական հիերոգլիֆների և հայկական տառերի գեղագրության սկզբունքները:

Կբացահայտվեն Մետաքսի ճանապարհի և Չինաստանից Հայաստանի թեյի առաջին ուղիղ առաքումների գաղտնիքները: Կազմակերպիչները կանցկացնեն վարպետության դաս` նվիրված հայկական ռազմապարերի և չինական «Ցիգուն» պարի նմանություններին և տարբերություններին:

 

 

Գլխավոր թեմաներ