11:27 22 օգոստոսի 2017
Ուղիղ եթեր
Тигран Саркисян

Տիգրան Սարգսյան. ԵՏՄ երկրները պետք է միավորեն իրենց արդյունաբերական ներուժը

Пресс-служба Правительства РА
Հայաստան
Ստանալ կարճ հղումը
110 0 0

Փետրվարի 17-ին Եվրասիական տնտեսական հանձնաժողովում (ԵՏՀ) տեղի է ունեցել ԵՏՀ կոլեգիայի նախագահ Տիգրան Սարգսյանի հանդիպումը Արդյունաբերողների և ձեռներեցների միջազգային կոնգրեսի (ԱՁՄԿ) ղեկավարների, Խորհրդի նախագահ Վասիլի Տարլևի և նախագահ Վիկտոր Գլուխիխի հետ:

ԵՐԵՎԱՆ, 18 փետրվարի — Sptmnik. Հանդիպման ընթացքում քննարկվել են ԵՏՀ-ի և ԱՁՄԿ-ի միջև հնարավոր համագործակցության հարցեր, որը միտված կլինի Եվրասիական տնտեսական միության (ԵԱՏՄ) երկրների տնտեսությունների զարգացմանը: Այս մասին հայտնում է ԵՏՀ կայքը:

ԵՏՀ կոլեգիայի նախագահ Տիգրան Սարգսյանը նշել է, որ հանձնաժողովը շահագրգռված է գործնական կապեր հաստատել ԱՁՄԿ-ի հետ:

«Հանձնաժողովի գործունեությունն ուղղված է կարգավորիչ համակարգերի կատարելագործմանը, վարչական խոչընդոտների նվազեցմանը՝ հանուն Միության երկրների տնտեսությունների առավել արդյունավետ զարգացման: Այդ նպատակով ԵՏՀ-ն բոլոր կարևոր հարցերով համակարգային երկխոսություն է վարում ազգային բիզնես-ընկերակցությունների հետ: Հանձնաժողովը որոշումների ընդունման թափանցիկություն է ապահովում: Ուստի բոլոր կարգավորիչ արձանագրությունները, որոնք ընդունում է ԵՏՀ-ն, քննարկվում են բիզնեսի մակարդակով»,- ասել է Սարգսյանը:

ԵՏՀ կոլեգիայի նախագահը նաև նշել է, որ Միության երկրների առաջ խնդիր է դրված միավորել իրենց արդյունաբերական ներուժը՝ հանուն համատեղ արտադրանքի արտադրության և արտահանման:

Հանդիպման մասնակիցները պայմանավորվել են շարունակել գործնական կապերը, որոնք թույլ կտան ընդլայնել համագործակցությունը ԵՏՀ-ի և ազգային բիզնես-կառույցների միջև:

Հանդիպման ավարտին որոշում է կայացվել, որ ԱՁՄԿ ղեկավարությունը ԵՏՄ-ում տնտեսական ինտեգրացիոն գործընթացների խթանման նպատակով կսահմանի առաջնահերթություններ և հանձնաժողովին կներկայացնի առաջարկներ ազգային բիզնես ընկերակցությունների կողմից:

 

 

Գլխավոր թեմաներ