10:03 23 օգոստոսի 2017
Ուղիղ եթեր
Мероприятие посвященное акции «Есть такая профессия – Родину защищать»

102-րդ ռազմակայանի հայրենիքի պաշտպանները

© Sputnik/ Армине Мхоян
Հայաստան
Ստանալ կարճ հղումը
15810

Անօդաչու սարքեր, «Նավոդչիկ-2» և «Օրլան-10» հետախուզական համակարգեր, հատուկ դիպուկահար ինքնաձիգեր, նռնականետեր. սրանք վերջերս Հարավային ռազմական օկրուգի 102-րդ ռազմակայանը համալրած կապի, հետախուզական ժամանակակից նոր տեխնիկայի միայն մի մասն են:

ԵՐԵՎԱՆ, 18 փետրվարի — Sputnik, Արմենուհի Մխոյան. Գիշերային և ցերեկային հետախուզության ժամանակ կիրառվող լեռնային ու ջրային դժվարանցանելի վայրերի հաղթահարման համար նախատեսված զինտեխնիկա, ժամանակակից ռադիոհամակարգեր, դյուրակիր զենիթահրթիռային համալիրներ, ինքնագնաց զենիթային համակարգեր, «Գրադ» համազարկային կրակի ռեակտիվ համակարգեր. այս տեխնիական թեև նոր է, բայց դրանց մեծ մասն արդեն կիրառվել է ուսումնական վարժանքերի ընթացքում:

Мероприятие посвященное акции «Есть такая профессия – Родину защищать»
© Sputnik/ Армине Мхоян
«Կա այդպիսի մասնագիտություն՝ հայրենքի պաշտպան» տեղեկատվական-քարոզչական միջոցառման ժամանակ

Թեև զինտեխնիկան ռազմական գործողությունների չի մասնակցել, սակայն ՌԴ 102-րդ ռազմակայանի ԱԹՍ ստորաբաժանումների զինծառայողները վարժանքների ժամանակ արդեն սովորել են կիրառել, օրինակ, «Նավոդչիկ-2», «Զաստավա» և «Գրանատ» անօդաչու թռչող սարքերը, ինչպես նաև՝ լեռնային, մարտավարական, կրակային և հատուկ համակարգերն ու տեխնիկաները: Ռազմակայանը մինչև 2020 թվականը կշարունակի համալրվել նոր զինտեխնիկայով:

Փետրվարի 18-ին զինվորական կյանքին ծանոթանալու, զինտեխնիկան տեսնելու, դրանց գործարկմանը և տեխնիկական հնարքներին ու հնարավորություններին ծանոթանալու եզակի հնարավարություն էին ստացել լրագրողներն ու ՌԴ հովանավորությամբ գործող դպրոցների աշակերտները՝ ՌԴ ՊՆ կողմից իրականացվող «Կա այդպիսի մասնագիտություն՝ հայրենքի պաշտպան» տեղեկատվական-քարոզչական միջոցառման շրջանակում:

Мероприятие посвященное акции «Есть такая профессия – Родину защищать»
© Sputnik/ Армине Мхоян
«Կա այդպիսի մասնագիտություն՝ հայրենքի պաշտպան» տեղեկատվական-քարոզչական միջոցառման ժամանակ

Ռազմակայանի տարածքում հյուրերին ողջունեց 102-րդ ռազմակայանի հրամանատար գեներալ-մայոր Վլադիմիր Ուստինովը և նշեց, որ սա գերազանց հնարավորություն է հատկապես նրանց համար, ովքեր կցանկանան ընտրել հայրենիքի պաշտպանի մասնագիտությունը, իսկ ցուցադրվող տեխնիկան եզակի ու ժամանակակից այն տեխնիկան է, որը պատրաստ է իրականացնել իր առջև դրած ցանկացած խնդիր:

Мероприятие посвященное акции «Есть такая профессия – Родину защищать»
© Sputnik/ Армине Мхоян
«Կա այդպիսի մասնագիտություն՝ հայրենքի պաշտպան» տեղեկատվական-քարոզչական միջոցառման ժամանակ

Ռազմակայանի զինվորների հետ ու նրանց կողքին է նաև հոգևոր հովիվ, Հայր Անդրեյ Վացը, ով ևս անհրաժեշտության դեպքում պատրաստ է ոչ միայն հոգևոր խրատներով լինել զինվորի կողքին, այլև շարժական եկեղեցու շնորհիվ ցանկացած վայրում մատուցել պատարագներ, ժամերգություններ, իսկ անհրաժեշտության դեպքում նաև մկրտության կարգ կատարել:

Ռուսաստանի ԶՈւ Հարավային ռազմական շրջանի մեջ մտնող 102-րդ ռազմակայանը Գյումրիում տեղակայվել է 1995 թվականին Հայաստանի ու Ռուսաստանի միջպետական համաձայնագրով:

 

Գլխավոր թեմաներ