15:40 23 օգոստոսի 2017
Ուղիղ եթեր
Арама 30

Քաղաքաշինության նախարար. Արամի 30-ը կներառվի «Հին Երևան» ծրագրում

© Sputnik/ Асатур Есаянц
Հայաստան
Ստանալ կարճ հղումը
39420

«Զվարթնոց» օդանավակայանի կլոր շենքը պետք է պահպանվի, համոզված է քաղաքաշինության նախարար Նարեկ Սարգսյանը։ Կառավարության հերթական նիստից հետո նախարարն անդրադարձավ «Հին Երևան» նախագծին ու դրանում ընդգրկվող շենք–հուշարձաններին

ԵՐԵՎԱՆ, 18 փետրվարի-Sputnik. Նարեկ Սարգսյանը հայտնեց, որ անձամբ է դիմել «Հին Երևան» նախագծի տնօրենին, որպեսզի Արամի 30 շենքը վերականգնվի։ Լրագրողների հարցին, թե բուլդոզերով քանդված շենքն ինչե՞ս կարող է վերականգնվել, նախարարը պատասխանեց, որ ամեն ինչ դեռ կորած չէ։

«Արամի 30-ը հուշարձանների ցանկում չի եղել, սակայն դրա չափագրություններն ունենք։ Ըստ չափագրության` «Հին Երևան» նախագծում դա կվերականգնվի»,-ասաց Նարեկ Սարգսյանը։

Այն դիտարկմանը, որ «Հին Երևան» նախագծի հեղինակ, ճարտարապետ Լևոն Վարդանյանը նախագծում չի տեսնում Արամի 30-ը, քաղաքաշինության նախարարն ընդգծեց, որ առաջադրանքը տալիս են իշխանությունները։

«Պայմանագիրը ստորագրվել է իմ կողմից։ Առաջադրանքում դա պարտադիր կամրագրենք, հետո գրավոր կերպով կներկայացնենք հանրությանը»,-ասաց Սարգսյանը։

Ինչ վերաբերում է հրշեջների շենքին, նախարարը նշեց, որ այն բազմիցս վերակառուցումների է ենթարկվել։

«Քանի որ այն օրգանական մասն է կազմում հրապարակի, մեր կողմից պահանջ կլինի պահպանել այդ շենքի ճարտարապետությունը»,-ասաց նախարարը։

Նարեկ Սարգսյանն ասաց, որ դեմ է «Զվարթնոց» օդանավակայանի կլոր շենքը քանդելուն ու այդ մասին բազմիցս հայտարարել է։ Նրա խոսքով`քանդելը պետք է լինի ծայրահեղ անհրաժեշտության դեպքում։ Հենց այդ դեպքերից էր Աֆրիկյանների շենքը, սակայն այդ շենքը ևս, ըստ նախարարի, կվերակառուցվի «Հին Երևան» ծրագրի շրջանակում։

 

Գլխավոր թեմաներ