17:40 19 սեպտեմբերի 2017
Ուղիղ եթեր
Оглашение приговора Никите Тихонову

«Գուդվինի» աշխատակցի սպանության մեջ մեղադրվողը հայտնաբերվել է ՌԴ–ում

© Sputnik/ Виталий Белоусов
Հայաստան
Ստանալ կարճ հղումը
111 0 0

Երևանի Շենգավիթ վարչական շրջանում գտնվող «Գուդվին» բուքմեյքերական գրասենյակի աշխատակցի սպանության մեղադրանքով հետախուզման մեջ գտնվող Կարեն Շահինյանը հայտնաբերվել է Ռուսաստանի Դաշնության տարածքում

ԵՐԵՎԱՆ, 21 փետրվարի —Sputnik. Հետախուզման մեջ գտնվող Կարեն Շահինյանը հայտնաբերվել է Օրենբուրգի մարզի Բուզուլուկ քաղաքում, հայտնում է Հայաստանի ոստիկանության մամուլի ծառայությունը:

«Քրեական հետախուզության գլխավոր վարչությունն օպերատիվ տեղեկություններով ճշտել էր նրա գտնվելու վայրը, ինչպես նաև համագործակցելով Ռուսաստանի Դաշնության մեր գործընկերների հետ՝ փետրվարի 18-ին Օրենբուրգի մարզի Բուզուլուկ քաղաքում հայտնաբերել և ձերբակալել ենք նրան: Այժմ որոշվում է նրան էքստրադիցիայի ենթարկելու հարցը»,- նշում է ոստիկանությունը:

Նշենք, որ նախնական տվյալներով՝ 2015թ.ի դեկտեմբերի 23-ի լույս 24-ի գիշերը՝ մինչև ժամը 11-ն ընկած ժամանակահատվածում, տեղի էր ունեցել ավազակային հարձակում՝ գումար հափշտակելու դիտավորությամբ։ Առերևույթ հանցագործություն կատարած անձը որպես զենք օգտագործվող սուր կտրող ծակող գործիքով բազմաթիվ հարվածներ էր հասցրել գրասենյակում աշխատող Արթուր Նազարյանի որովայնի, պարանոցի և կրծքավանդակի հատվածներին, սպանել նրան ու գումար հափշտակել:

 

Գլխավոր թեմաներ