ԵՐԵՎԱՆ, 21 փետրվարի — Sputnik. Դեպքի վայր է մեկնել մեկ մարտական հաշվարկ, ինչպես նաև՝ ՀՆՓԱԻ կենտրոնի փրկարարական ջոկատը:
Պարզվել է, որ դեռևս չպարզված հանգամանքներում «Opel Astra G» մակնիշի ավտոմեքենան բախվել է «Սանիթեք» ՍՊԸ-ին պատկանող կայանած «Renault» մակնիշի ավտոմեքենային և վրաերթի ենթարկել «Սանիթեք» ՍՊԸ-ի 41-ամյա աշխատակցին։
Մինչ փրկարարների կանչի վայր հասնելը «Opel Astra G» մակնիշի ավտոմեքենայի վարորդն ու ուղևորը տեղի ուժերով դուրս են բերվել ավտոմեքենայից և տեղափոխվել Միքայելյանի անվան վիրաբուժության ինստիտուտ:
Բժիշկները «Օպելի» վարորդի և «Սանիթեքի» աշխատակցի առողջական վիճակը գնահատել են միջին ծանրության, իսկ ուղևորինը՝ բավարար:
Փրկարարները հոսանքազրկել են «Opel Astra G» մակնիշի ավտոմեքենան, փակել գազի բալոնի փականը և սահմանազատել տարածքը:
