06:48 22 սեպտեմբերի 2017
Ուղիղ եթեր
Трио имени Хачатуряна

Հայկական երաժշտության լեգենդները. Խաչատրյանն ու Բաբաջանյանը մեկ բեմում

Из личного архива
Հայաստան
Ստանալ կարճ հղումը
5710

Հայոց հողի ամենատաղանդավոր զավակներից մեկը՝ կոմպոզիտոր Առնո Բաբաջանյանը, այս տարի կդառնար 95 տարեկան: Նրա երաժշտությունը մինչ օրս արդիական է, հոգեհարազատ և գրավիչ ոչ միայն հասարակ ունկնդիրների, այլ նաև ռեժիսորների, նկարիչների, գեղասահորդների և առհասարակ ստեղծագործող մարդկանց համար

ԵՐԵՎԱՆ, 21 փետրվարի- Sputnik. Հայաստանի լավագույն կամերային համույթներից մեկը՝ Արամ Խաչատրյանի անվան տրիոն, Առնո Բաբաջանյանի 95-ամյակը նշում է հատուկ համերգային ծրագրով, Sputnik Արմենիային ասաց Ջազային լրագրողների միջազգային ասոցիացիաների անդամ Արմեն Մանուկյանը:

Համերգը տեղի կունենա փետրվարի 27-ին Մոսկայի կոնսերվատորիայի Փոքր դահլիճում:

«Համերգային ծրագրում ներառվել են Առնո Բաբաջանյանի ակադեմիական ստեղծագործությունները, հայտնի երգերն ու այն կոմպոզիտորների գործերը, որոնք միասին, այսպես կոչված, անվանի «հնգյակ» էին կազմել՝ Առնո Բաբաջանյան, Էդուարդ Միրզոյան, Ալեքսանդր Հարությունյան, Լազար Սարյան, Ադամ Խուդոյան»,- ասաց Մանուկյանը:

Նա ավելացրեց, որ համերգի առաջին մասում կհնչեն Բաբաջանյանի ակադեմիական ստեղծագործությունները, որոնց շարքում կլինեն անվանի դաշնամուրային տրիոն, «Հայկական ռապսոդիան» երկու դաշնամուրի համար, որը գրվել է Ալեքսանդր Հարությունյանի հետ համագործակցությամբ, Վոկալիզը կանանց ձայնի համար, ինչպես նաև Էդուարդ Միրզոյանի, Լազար Սարյանի, Ադամ Խուդոյանի և Ալեքսանդր Հարությունյանի ստեղծագործությունները:

Трио имени Хачатуряна
Из личного архива
Խաչատրյանի անվան տրիոն

Մանուկյանի խոսքով՝ երկրորդ մասն ամբողջությամբ նվիրված կլինի Առնո Բաբաջանյանի երգերին, որոնք կկատարվեն դաշնամուրային տրիոյի համար հատուկ վերապատումով, ինչպես նաև նվագախմբի և մենակատարների կատարմամբ:

Համերգին կմասնակցեն միջազգային մրցույթների դափնեկիր Դմիտրի Տրիֆոնովը (բարիտոն), Երևանի Ալեքսանդր Սպենդիարյանի անվան օպերայի և բալետի պետական թատրոնի մենակատարուհի Հասմիկ Թորոսյանը (սոպրանո), Մոսկվաի «Նոր օպերա» թատրոնի մենակատար Միխայիլ Դավիդովը (բարիտոն), Սոնա Բարսեղյանը (դաշնամուր), Տուլայի պետական նվագախումբը:

Բաբաջանյանի երաժշտությունը հնչում է մի շարք հայտնի ֆիլմերում՝ «Առաջին սիրո երգը», «Հարսնացուն հյուսիսից» և այլն: Նույնիսկ «Դե, սպասի՛ր» մուլտֆիլմում հնչում է կոմպոզիտորի ստեղծագործություններից մեկը:

 

Գլխավոր թեմաներ