01:17 25 սեպտեմբերի 2017
Ուղիղ եթեր
Никол Пашинян

Հայ պատգամավորը հորդորում է լրագրողների հետ շփման էթիկա պահպանել

Пресс-служба Парламента РА
Հայաստան
Ստանալ կարճ հղումը
73 0 0

Փաշինյանի ելույթը կապված էր ՀՀԿ պատգամավոր Մհեր Սեդրակյանի պահվածքի հետ

ԵՐԵՎԱՆ, 22 փետրվարի- Sputnik. Ազգային ժողովի պատգամավոր Նիկոլ Փաշինյանը երկուշաբթի խորհրդարանի նիստում կոչ է արել պատգամավորներին զերծ մնալ լրագրողներին նկատմամբ վիրավորական արտահայտություններից։

«Ես` որպես էթիկայի հանձնաժողովի նախկին նախագահ, որպես լրագրող, իմ մտահոգությունն եմ հայտնում լրագրողների, նրանց աշխատանքը խոչընդոտելու, նրանց պիտակավորելու, վիրավորանքների վերաբերյալ: Մենք` ի դեմս լրագրողների, գործ ունենք հանրությանը մեզ կապող կարգավիճակ ունեցող մարդկանց հետ, և իմ հորդորն է, որ լրագրողների հետ հարաբերություններում պահպանենք էթիկայի կանոնները, միջադեպ է տեղի ունեցել Մհեր Սեդրակյանի և լրագրողների միջև, և ես հույս ունեմ, որ մեզ կհաջողվի ԱԺ-ում նման պրակտիկային վերջ տալ, որովհետև դա ոչ միայն ազդում է ԱԺ-ի հեղինակության վրա, այլ նաև ուղղակիորեն խոչընդոտում է լրագրողական գործունեությունը: Ես՝ որպես պատգամավոր, հարկ եմ համարում նշել, որ դատապարտում եմ նմանատիպ երևույթները», — ասաց Փաշինյանը։

Մի քանի օր առաջ ՀՀԿ խմբակցության պատգամավոր Մհեր Սեդրակյանը լրագրողներին «նախիր» է անվանել և հայհոյել։ Դեպքից երկու օր անց Սեդրակյանը հայտարարել է, որ ինքը որևէ մեկին «նախիր» չի ասել։

Փաշինյանի ելույթից հետո խոսեց նաև ՀՀ ԱԺ փոխխոսնակ Հերմինե Նաղդալյանը` նշելով, որ ինքն էլ է դատապարտում նման երևույթները։

«Բոլոր պատգամավորներին և լրագրողներին հորդորում եմ շփման ժամանակ պահպանել էթիկայի նորմերը»,- ասաց Նաղդալյանը։

Ազգային ժողովում հավատարմագրված լրագրողները ստորագրություններ են հավաքում` խմբակցություններին կոչ անելով դատապարտել Սեդրակյանի պահվածքը։ Մի շարք պատգամավորներ արդեն միացել են ստորագրահավաքին։ Լրագրողները պատրաստվում են փետրվարի 23-ին ԱԺ դարպասների մոտ բողոքի ակցիա անցկացնել՝ պատգամավոր Մհեր Սեդրակյանին պատժելու պահանջով։

 

Գլխավոր թեմաներ