17:35 19 սեպտեմբերի 2017
Ուղիղ եթեր
Сотрудники МЧС на месте происшествия

Փրկարար. Թեղուտի աշխատակիցը հորանն է ընկել անզգուշության պատճառով

© Личная страница Завена Мелконяна в ФБ
Հայաստան
Ստանալ կարճ հղումը
97 0 0

Փետրվարի 21-ին Լոոռւ մարզի Թեղուտի պղնձամոլիբդենային գործարանում տղամարդն, ընկնելով 9 մ խորությամբ հորաններից մեկը, մահացել է: Փրկարարներին միայն 4-5 ժամ տևած աշխատանքներից հետո է հաջողվել դուրս բերել դին: Sputnik Արմենիան հետաքրքրվեց դեպքի մանրամասներով:

ԵՐԵՎԱՆ, 22 փետրվարի-Sputnik. Մահացածը նույն գործարանի աշխատակից է, դեպքը տեղի է ունեցել աշխատանքի ժամանակ` պահեստում, որի հսկողությունը դրված է եղել նրա վրա:

Լոռու մարզի փրկարարական վարչության պետ Հրաչիկ Անտոնյանի փոխանցմամբ՝ դեպքը դժբախտ պատահար է՝ անփութության հետևանք: Աշխատակցի ոտքի տակ հանքանյութի զանգվածը փլվել է, և նա ընկել է բունկերի մեջ (հատուկ զետեղարան՝ սորուն նյութերը ժամանակավորապես մեջը լցնելու և պահելու համար):

Խնդրեցինք պարզաբանել, թե ինչպես կարող էր նման անկում լինել
նրա կանգնած ամուր, կարծր հատվածից:

«Հանքաքարը, որ բերում, լցնում են պահեստ, հետագայում ցնցումների հետևանքով թափվում է լենտայի վրա, որն էլ տանում է այդ հանքանյութը: Նրա պահեստում հանքանյութը լցված էր և աստիճանաբար սահելով՝ պետք է գնար ու թափվեր բունկերի մեջ: Նա պահեստի աշխատողն էր, պետք է անընդհատ հսկողության տակ պահեր գործընթացը: Նա այդ նյութը հաշվել-չափելուց է եղել, այդ նյութի մեջ կան փոքր ու մեծ քարեր ու զանգված, կան փշրված և քարի նման կարծր հատվածներ, նա կանգնած աշխատել է այդ կարծր զանգվածի վրա, այդ ամենը ոտքի տակից թուլացել է, սահել դեպի բունկեր, ու այդ զանգվածի հետ ինքն էլ սայթաքել է, ընկել բունկերի մեջ»,- նշեց Անտոնյանը:

Նշված աշխատակիցը, սակայն, ինչպես նաև նույն գործարանում աշխատող նրա ընտանիքի անդամները, իրենց գործում հմուտ մարդիկ են, դա հաստատում է նաև ղեկավարությունը, այդ դեպքում ինչպե՞ս կարող է նա չտիրապետեր անվտանգության կանոններին, չհաշվարկեր ռիսկերն ու խախտեր անհրաժեշտ հեռավորությունը: Այս հարցին ի պատասխան` փրկարարական վարչության պետը նշեց.

«Այնտեղ հիմնարկի ղեկավարներն են եղել մեզ հետ, ոստիկաններն են եղել, անվտանգությունն է եղել, բոլորս այդ հարցը տարբեր տեսանկյունից քննարկել ենք: Նորից եմ ասում՝ իր անզգուշության հետևանքով է եղել, շատ է մոտեցել այդ զանգվածին: Ինքն այդքան մոտենալու իրավունք չուներ: Այդ հարցի պատասխանը միայն ինքը կարող էր տալ, ինքն էլ մահացել է»:

Թեղուտի պղնձամոլիբդենային հանքավայրը գտնվում է Հայաստանի հյուսիսում՝ Լոռու մարզում, Թեղուտ և Շնող գյուղերի մոտ։

 

 

Գլխավոր թեմաներ