14:15 21 սեպտեմբերի 2017
Ուղիղ եթեր
Строительство БАМа-2 в Амурской области

Իրան–Նախիջևան–Հայաստան երկաթգիծը` շրջափակումից խուսափելու այլընտրանք

© Sputnik/ Игорь Агеенко
Հայաստան
Ստանալ կարճ հղումը
97 0 0

Իրան–Նախիջևան–Հայաստան երկաթգիծը Հայաստանի համար կենսական նշանակություն ունի, կարծում է պատմաբան Արա Պապյանը։ Նրա խոսքով` մեր երկիրն ամեն քայլ պետք է մտածված անի, քանի որ շրջափակման մեջ հայտնվելը ոչ միայն տնտեսական վնասներ կարող է տալ

ԵՐԵՎԱՆ, 22 փետրվարի-Sputnik. Իրան-Ադրբեջան երկաթգծի աշխատանքները մոտենում են ավարտին, հայտնեց Արա Պապյանը` մտահոգություն հայտնելով, որ եթե գործարկվի Իրան-Ադրբեջան-Վրաստան երկաթգիծը, Հայաստանը կհայտնվի մեկուսացման մեջ։

«Եթե Հայաստանը հայտնվեց շրջափակման մեջ, ոչ միայն տնտեսական խնդիր կառաջանա։ Ադրբեջանը դառնում է կարևորագույն երկիր Իրանի, Եվրոպայի և Ռուսաստանի համար։ Դա նշանակում է` տարեկան 20 մլն տոննա բեռի և կես միլիոն մարդու փոխադրում։ Այնպես որ անհրաժեշտ է մեր վերահսկողության տակ վերցնել Նախիջևանի երկաթգիծը։ Վատ առաջարկ է, բայց մյուս տարբերակն ավելի վատ զարգացում է»,-ասաց Արա Պապյանը։

Բժշկական տերմինով ասած` Արա Պապյանը սա համեմատում է վիրահատական միջամտության հետ, երբ այլընտրանքը հիվանդի դանդաղ մահն է։ Պապյանը կարծում է, որ Հայաստանը պետք է առաջարկով հանդես գա. Իրան-Նախիջևան-Հայաստան երկաթգիծը գործարկել հանուն տարածաշրջանային զարգացման, կայունության ու խաղաղության։

«Հակառակ պարագայում տնտեսական այս ծանր վիճակը մեզ երանություն կթվա»,- ասաց պատմաբանը։

Հայաստանի դեպքում, ըստ Պապյանի, խոսվում է Զանգեզուրի վրայով երկաթգիծ կառուցելու մասին։ Սակայն նա անհավանական է համարում այդ ծրագիրը, այն է` ավելի քան 100 կմ թունելի կառուցում, ավելի քան 20 կմ կամուրջների կառուցում և 3.2 միլիարդ պաշտոնական հայտարարված գումար։

 

 

Գլխավոր թեմաներ