06:49 22 սեպտեմբերի 2017
Ուղիղ եթեր
Заруи Постанджян

Փոստանջյան. Oմբուդսմենի պաշտոնի հավակնորդը սեփական կարծիք չունի

PanARMENIANNet
Հայաստան
Ստանալ կարճ հղումը
38 0 0

Ընդդիմադիր պատգամավոր, ակտիվ իրավապաշտպան Զարուհի Փոստանջյանի թեկնածությունը նույնպես առաջադրվել էր մարդու իրավունքների պաշտպանի պաշտոնի hամար։ Սակայն պետաիրավական հարցերի հանձնաժողովում քվեարկության ընթացքում Փոստանջյանը զիջել է իշխող կուսակցության թեկնածու Թաթոյանին

ԵՐԵՎԱՆ, 22 փետրվարի — Sputnik. Մարդու իրավունքների պաշտպանի պաշտոնի միակ թեկնածուն թաքցրել է Հայաստանում մարդու իրավունքների խախտման դեպքը, ԱԺ նիստին հայտնել է «Ժառանգություն» կուսակցության պատգամավոր Զարուհի Փոստանջյանը։

«Այսօր Ազգային ժողովում քննարկվում է ոչ թե մարդու իրավունքների նոր պաշտպանի ընտրության հարցը, այլ նրա նշանակումը ՀՀԿ-ի կողմից։ Եթե դա այդպես չլիներ, մենք հիմա մի քանի թեկնածու կունենայինք», — ասել է Փոստանջյանը։

Նրա խոսքով` մարդու իրավունքների պաշտպանի թեկնածուն քաղաքական-իրավական հարցերի հանձնաժողովի տված ձայների մեծամասնությամբ ներկայացվել է ԱԺ` պարզապես նրան նշանակելու համար։

Եթե նախկինում դա անում էր նախագահը, ապա այսօր` ՀՀԿ-ն է դա անում։ Փոստանջյանը նշեց, որ Թաթոյանը փոխնախարարի պաշտոնում լինելու ժամանակ խոչընդոտում էր, որպեսզի Հայաստանում արձանագրվեր քաղբանտարկյալների առկայության փաստն ու մարդու իրավունքների Եվրոպական կոնվենցիայի տարբեր կետերի խախտումները։

«Նա երբևէ չի խոսել այն մասին, որ Հայաստանում մարդու իրավունքների խախտման զանգվածային դեպքեր ու անօրինական ձերբակալություններ կան։ Մենք հարցնում ենք նրան` արդյոք Հայաստանում կայի՞ն քաղաքական հետապնդումներ, իսկ նա պատասխանում է, որ կոնկրետ գործեր պիտի ուսումնասիրի։ Այս մարդը չի համապատասխանում այդ պաշտոնին, նա չունի իր սեփական կարծիքը», — ասաց Փոստանջյանը։

Նա նկատեց, որ Թաթոյանը չնշեց որևէ դեպք, երբ դեմ է հանդես եկել իշխանության պաշտոնական դիրքորոշմանը։

ՀԱԿ պատգամավոր Նիկոլ Փաշինյանն առաջարկեց միանգամայն այլ տեսանկյունից դիտարկել Թաթոյանի թեկնածությունը։ Նա հիշեցրեց, որ նախկին օմբուդսմենները նույնպես «իշխանության մարդ» էին համարվում, սակայն փորձը ցույց տվեց, որ հետագայում նրանք բոլորն էլ ձերբազատվեցին այդ պիտակից։

Մասնավորապես, նա բարձր գնահատեց նախկին օմբուդսմեն Կարեն Անդրեասյանի գործունեությունն ու ասաց, որ «կողմ է» քվեարկելու միակ թեկնածուի օգտին։

 

Գլխավոր թեմաներ