01:13 25 սեպտեմբերի 2017
Ուղիղ եթեր
Ազատ ոճի ըմբշամարտի ՀՀ հավաքական

Գրիգոր Գրիգորյան. «Սպորտում հաղթանակն ու պարտությունը կողք կողքի են»

Хачик Чахоян
Հայաստան
Ստանալ կարճ հղումը
210 0 0

Ազատ ոճի ըմբշամարտի Հայաստանի ազգային հավաքականը փետրվարի 23-ին մեկնեց Բելառուսի Ստայկի քաղաք, որտեղ ավարտին կհասցնի Եվրոպայի առաջնության նախապատրաստական փուլը: Հայաստանի հավաքականի փորձառու ըմբիշ Գրիգոր Գրիգորյանը, որը հանդես կգա 74կգ քաշային կարգում, ուսումնամարզական հավաքի մեկնելուց առաջ Sputnik Արմենիային պատմել է իր նպատակների մասին:

Խաչիկ Չախոյան, Sputnik.

Չնայած մրցաշարը օլիմպիական վարկանիշային չէ, որոշ քաշային կարգերում սպասվում է անզիջում պայքար:

-Գրիգոր, ազատ ոճայինները դեռևս օլիմպիական մեկ վարկանիշ ունեն, իսկ Եվրոպայի առաջնությունը վարկանիշային մրցաշար չէ: Դա նշանակում է, որ ըմբիշների մոտեցումն էլ այլ է:

— Իհարկե, կարևորն օլիմպիական վարկանիշ նվաճելն է: Բայց Եվրոպայի առաջնությունն էլ շատ կարևոր մրցաշար է: Բոլոր դեպքերում աշխարհամասի չեմպիոնի կոչումն է վիճարկվում: Գումարած այս ամենին՝ մարզավիճակը բարելավելու հնարավորություն: Միշտ էլ գորգ դուրս գալուց առաջ մտածում ես հաղթանակի մասին, այնպես որ այդ առումով բացառություն չէ այս մրցաշարը:

-Եվրոպայի 2014 թվականի առաջնությունում դու արծաթե մեդալ նվաճեցիր՝ պարտվելով եզրափակչում: Դա ամենատհաճն է մարզիկի համար:

— Իհարկե, կրկնակի ցավալի է պարտվել եզրափակչում: Բայց յուրաքանչյուր պարտություն ու հաղթանակ իր գինն ունի: Պարտությունները երբեք չեն անտեսվում: Հետո միշտ ուսումնասիրում եմ ու հետևություններ անում: Նույնը նաև հաղթանակներից հետո: Սպորտում հաղթանակն ու պարտությունը իրար կողքի են կանգնած:

-Ըմբշամարտում հաղթանակ տոնելու համար ըմբիշից հիմնականում ինչ է պահանջվում: Կա մի ա յլ գործոն կամ մեկ այլ մարզաձև, որն օգնում է ավելի վստահ զգալ գորգի վրա:

— Շատ գործոններ կան, որոնք իրար հետ մեկտեղ, համալիր համակարգով բերում են վերջնական հաջողության: Սառնասրտություն, ուշադրություն, տրամադրվածություն: Շատ կարևոր է հոգեբանությունը: Բացի այդ, ըմբիշների համար, իհարկե, ճկունությունը առաջնային նշանակություն ունի: Ես 12 տարի է, ինչ զբաղվում եմ ըմբշամարտով բայց մինչ այդ երեք տարի զբաղվել եմ սպորտային մարմնամարզությամբ, ու այդ մարզձևը ինձ շատ է օգնել:

-Յուրաքանչյուր գոտեմարտից առաջ ըմբիշը ցուցումներ է ստանում իր մարզչից՝ հաշվի առնելով թե ով է մրցակիցը: Իսկ գորգում լինում են գործողություններ, որոնք քո կողմից արվում են ինտուիտիվ, պարզապես իրավիճակից ելնելով:

— Անկասկած լինում են: Ինչքան էլ մարզչի հետ ծրագրավորես գոտեմարտը, միևնույն է՝ հնարավոր չէ հենց այդպես էլ անել: Ունիվերսալիզմ է պահանջվում որոշումներ կայացնելու ու դա անմիջապես իրականացնելու համար: Գոտեմարտին հետևելով՝ շատերին կարող է թվալ, որ հեշտ է ամեն ինչ մարզիկի համար: Բայց հավատացեք, որ յուրաքանչյուր գործողության, յուրաքանչյուր նետման հետևում տարիների աշխատանք կա: Դրա համար մենք միշտ շատ լուրջ ենք մոտենում մարզումներին:

-Երբեմն մարզիկները ֆավորիտ մարզաձևից բացի մեկ այլ մարզաձև էլ են սիրում: Իսկ դու բացի ըմբշամարտից քեզ որևիցե մեկ այլ մարզաձևում պատկերացնու՞մ ես:

— Անկեղծ լինեմ՝ ոչ: Ես ձգտել եմ միշտ մարզվել ազատ ոճի ըմբշամարտով և ուրախ եմ, որ այստեղ կարողանում եմ քիչ թե շատ ինձ դրսևորել: Սպորտային մարմնամարզությունը շատ կարևոր է ըմբիշների համար: Բայց այդ մարզաձևով զբաղվել եմ ուղղակի շարժումների կոորդինացիան ու ճկունությունը լավ հիմքերի վրա դնելու համար: Բաղձալի նպատակս է հանդես գալ օլիմպիական խաղերում ու մեդալ վաստակել Հայաստանի համար:

Նշենք, որ ազատ ոճի ըմբշամարտի Հայաստանի հավաքականի կազմը Եվրոպայի առաջնությունում որոշակի փոփոխությունների է ենթարկվել քաշային կարգերում: Մասնավորապես աշխարհի և Եվրոպայի 2013 թվականի չեմպիոն Դավիթ Սաֆարյանը հանդես է գալու 70 կգ քաշային կարգում: Բացի այդ, մեր հավաքականի կազմում հանդես գալու հնարավորություն է տրվել Շամիր Աթյանին և Անդրանիկ Գալստյանին:

 

 

Գլխավոր թեմաներ