ԵՐԵՎԱՆ, 25 փետրվարի — Sputnik. Հայաստանի կառավարության նիստում կառավարության աշխատակազմի ղեկավար-նախարար Դավիթ Հարությունյանը հայտնեց, որ ՀՀԿ և ՀՅԴ միջև քաղաքական համագործակցության համաձայնագրի ստորագրման արդյունքում որոշում է կայացվել, որ երկու մարզպետների պաշտոններն առաջարկվելու են ՀՅԴ —ին։
«Մեր կուսակից ընկերները` Շիրակի և Արագածոտնի մարզի մարզպետները, դիմումներ են գրել պաշտոնից ազատվելու մասին»,- ասաց Հարությունյանը` կառավարությանը խնդրելով հաստատել դրանք։
Վարչապետ Հովիկ Աբրահամյանը հաստատեց մարզպետների դիմումները` շնորհակալություն հայտնելով գործընկերներին համատեղ աշխատանքի համար։ Վարչապետը հայտնեց նաև, որ նույն համաձայնագրի շրջանակում արդեն իսկ նշանակվել են նոր նախարարներ:
«Ցանկանում եմ բեղմնավոր աշխատանք»,- ասաց վարչապետ Հովիկ Աբրահամյանը:
