14:34 21 սեպտեմբերի 2017
Ուղիղ եթեր
Левон Мкртчян

ԿԳ նախարարն ապակուսակցականացնելու է կրթական համակարգը

HorizonArmenianTV
Հայաստան
Ստանալ կարճ հղումը
38940

ԿԳ նորանշանակ նախարար Լևոն Մկրտչյանի համար կրթության համակարգում կա չափման մեկ միավոր` պրոֆեսիոնալիզմը։ Կառավարության հերթական նիստից հետո նա ներկայացրեց ոլորտի առաջնահերթություններն ու խնդրեց 2 շաբաթ խնդիրները ջրի երես հանելու համար։

ԵՐԵՎԱՆ, 25 փետրվարի-Sputnik. Գոհար Սարգսյան. Եթե կրթական համակարգի աշխատակիցն իր գործի գիտակը լինի ու նվիրված աշխատի, ուրեմն Լևոն Մկրտչյանի համար կուսակցական պատկանելությունը երկրորդ պլան կմղվի։ Սա պատասխանն էր լրատվամիջոցների այն հարցին, թե արդյո՞ք դպրոցներում աշխատակազմի փոփոխություն չի լինի` հօգուտ դաշնակցականների։

«Ինձ համար կրթական համակարգի ցանկացած պաշտոնյայի չափման միավորը նրա պրոֆեսիոնալիզմն է, ուզում եմ հստակ հայտարարել, որ համակարգում այլ չափման միավոր չի լինի։ Միանշանակ սկզբունք է ինձ համար, և եթե այդ սկզբունքից շեղում նկատեք, ես պատասխան կտամ»,-ասաց Լևոն Մկրտչյանը։

Իսկ այն հարցին, թե նախարարը պատրաստվում է դպրոցների ուսուցիչներին ու տնօրեններին հետ պահել ընտրական գործընթացներից, նախարարը պատասխանեց.

«Հնարավորինս հետ կպահեմ։ Պետք է կրթական համակարգն ապակուսակցականացնել։ Ուսուցիչը պետք է զբաղվի իր հիմնական գործունեությամբ. սա առաջնահերթ է»։

Վերջում Լևոն Մկրտչյանը խնդրեց իրեն տալ 2 շաբաթ` ոլորտի գերակա խնդիրներն ուսումնասիրելու և դրանք լրատվամիջոցներին ներկայացնելու համար։ Լրագրողներին էլ նախարարը հորդորեց խորանալ խնդիրների մեջ և օգնել լուծել դրանք։

Լևոն Մկրտչյանը ԿԳ նախարարի պաշտոնը ստանձնել է 4-րդ անգամ: Նա ԿԳ նախարար է եղել 1998-1999, 2001-2003 և 2006-2008 թվականներին:

 

 

Գլխավոր թեմաներ