10:16 19 հոկտեմբերի 2019
Ուղիղ եթեր
  • USD476.34
  • GBP614.19
  • EUR530.17
  • RUB7.45
Международная автовыставка

Սպիտակ Նիվայի դարաշրջանը վերադառնում է Հայաստան

© Sputnik / Владимир Песня
Հայաստան
Ստանալ կարճ հղումը
17111

Բոլորին հայտնի է հայերի և ռուսական Նիվա մակնիշի ավտոմեքենայի «փոխադարձ» սերը։ Կառավարության մտադրությունն` ավտոներկրողներին ԵՏՄ երկրներից մեքենա ներկրելիս ԱԱՀ–ից ազատելու մասին, ամենայն հավանականությամբ, կրկին հայերի մոտ կարթնացնի սերը ռուսական ավտոմեքենաների նկատմամբ

ԵՐԵՎԱՆ, 26 փետրվարի- Sputnik, Անի Լիպարիտյան. Հայաստանի կառավարության ցանկությունը` ԵՏՄ-ից ներկրվող մեքենաներից ԱԱՀ-ն հանելու մասին, շատ է ուրախացրել վարորդներին և ավտոներկրողներին։ Ավտոներկրողների միության նախագահ Տիգրան Հովհաննիսյանը կարծում է, որ այդ որոշումը զգալիորեն կազդի ավտոմեքենաների գների նվազման վրա։

«Ցանկանում եմ շնորհակալություն հայտնել նախագահին և վարչապետին նման որոշման համար, որովհետև մենք արդեն մի քանի տարի գրավոր և բանավոր փորձում ենք ասել, որ մեքենա վաճառելով գումար ենք վաստակում։ Նման քայլը տնտեսությունն ազատական կդարձնի, մարդիկ կկարողանան ազատ զբաղվել առևտրով»,- ասաց Հովհաննիսյանը։

Միաժամանակ, նա հավելեց, որ դրանից կշահեն նաև Հայաստանի բնակիչները։

«Մենք` ավտոմեքենա ներկրողներս, ցանկանում ենք այսօր համապատասխան կարգավիճակ ստանալ. արտոնագիր, աշխատանք օրինական իրավական դաշտում և օրինական հարկում»,- նշեց միության նախագահը։

Հակառակ դեպքում, նրա խոսքով, գործարարները կփորձեն շրջանցել պահանջը, որը թույլատրում է տարեկան մեկ ավտոմեքենա ներմուծել, զարտուղի ճանապարհներ կորոնեն` օգտագործելով ընկերների կամ ընտանիքի անդամների անձնագրերը` մեկից ավելի մեքենա ներկրելու համար։

Հովհաննիսյանը, պատասխանելով Sputnik Արմենիայի հարցերին, ասաց, որ բոլոր ռուսական ավտոմեքենաները պահանջված են Հայաստանում։

«Ամեն տարի մենք հազարավոր դոլարներ ենք ծախսում Վրաստանից մեքենա ներկրելու վրա։ Դրանով մենք հարստացնում ենք Վրաստանը։ Հիմա մեքենաներ կներկրենք Ռուսաստանից։ Խոսքը ոչ միայն ռուսական արտադրության ավտոմեքենաների մասին է»,- նշեց նա։

Միության նախագահը հավելեց, որ մինչև հիմա մեծ գումարներ էին տալիս ոչ միայն Վրաստանից ներկրվող ավտոմեքենաների մաքսազերծման համար, այլև ԵՏՄ երկրներից Հայաստան մեքենաներ ներկրելիս ԱԱՀ վճարելու համար։

 

 

Գլխավոր թեմաներ