22:18 24 հունիսի 2018
Ուղիղ եթեր
  • USD482.19
  • GBP640.83
  • EUR561.80
  • RUB7.64
Обсуждения по новому избирательному кодексу Армении

Ընտրական նոր օրենսգրքի հանրային քննարկումներն առանց ՀՀԿ–ի

© Sputnik / Арам Нерсесян
Հայաստան
Ստանալ կարճ հղումը
80 0 0

Ընտրական նոր օրենսգրքի նախագծի շուրջ հանրային քննարկումը մեկնարկեց։ Քննարկմանը մասնակցեցին բոլոր խմբակցությունների ներկայացուցիչները, բացի Հանրապետականից։ Ներկաները չզսպեցին իրենց դժգոհությունը

ԵՐԵՎԱՆ, 29 փետրվարի-Sputnik. ԱԺ խմբակցությունների ներկայացուցիչները ներկայացրին ընտրական նոր օրենսգրքի վերաբերյալ առաջարկները։ ՕԵԿ պատգամավոր Հովհաննես Մարգարյանը կարևորեց ընտրացուցակների հրապարակումը։

«Բերեմ մի օրինակ։ Որպես շահագրգիռ անձ նայում ես ցուցակներն ու տեսնում քվեարկած քո հարևանին, որը Հայաստանում չէ, բայց նրա փոխարեն քվեարկված է։ Այս դեպքում դու կարող ես հստակ ապացուցել դա ու համապատասխան քայլեր ձեռնարկել։ Բայց մեզ ասում են, որ դա չի թույլատրվում։ Քվեարկությունը գաղտնի է, իսկ մասնակցությունը` ոչ։ Բարեբախտաբար մեր պնդումները հաստատեց Վենետիկի հանձնաժողովը»,-ասաց Հովհաննես Մարգարյանը։

ԲՀԿ փորձագետ Դավիթ Ոսկանյանն էլ հայտարարեց, որ կուսակցությունը ստեղծել է աշխատանքային խումբ, որն աշխատում է իրենց առաջարկների շուրջ։

«ԲՀԿ-ն պատրաստ է կոնստրուկտիվ քննարկումներ անցկացնել և քաղաքական ուժերի, քաղաքացիական հասարակության ներկայացուցիչների, շահագրգիռ անձանց հետ միասնաբար աշխատել ընտրական օրենսգրքի նախագծի շուրջ, որը բխում է մեր ժողովրդի շահերից։ Պետք այնպիսի ընտրական մեխանիզմներ մշակել, որ մեր երկրում ընտրությունն արդար և թափանցիկ լինի»,-ասաց Ոսկանյանը։

ՀԱԿ-ն էլ իր հերթին կարծում է, որ ընտրությունից առաջ պետք է առանձնացնել ցուցակները։ Այն մարդիկ, ովքեր 6 ամսից ավելի բացակայում են երկրից, լինեն մի ցուցակում, իսկ մշտական բնակություն ունեցողները` մեկ այլ։

«Տեսախցիկներ պետք է տեղադրվեն տեղամասերում ու դրանցից դուրս. ոչ ոք չի սիրում հանցագործություն կատարել ուղիղ եթերում, այսինքն` կբացառվեն ապօրինի կուտակումները, բռնություններն ու լցոնումները։ Մեզ հետաքրքրում է էլեկտրոնային գրանցումը մատնահետքերի իդենտիֆիկացիայով։ Եթե ոչ, թող մնա հին ու ընդունված մատների թանաքոտման մեթոդը»,-ասաց ՀԱԿ պատգամավոր Լևոն Զուրաբյանը։

Левон Зурабян
© Sputnik / Арам Нерсесян
Լևոն Զուրաբյան

«ՀՅԴ» խմբակցության փորձագետ Սուրեն Պարսյանի համար էլ խնդրահարույց հարց է ընտրատարածքների առատությունը, թվով` 46։ Ուստի ՀՅԴ-ն առաջարկում է առնվազն մի քանի անգամ կրճատել դրանց թիվը։

Իսկ «Ժառանգություն» խմբակցությունը շարունակում է տեսախցիկների տեղադրման առաջարկը համարել առաջնահերթ` հիշեցնելով, որ ժամանակին միջազգային կազմակերպությունները համաձայնել էին անվճար տեսախցիկներ տրամադրել, սակայն իշխանության կողմից համաձայնություն չէր եղել։

Обсуждения по новому избирательному кодексу Армении
© Sputnik / Арам Нерсесян
Հանրային քննարկում

 

Գլխավոր թեմաներ