04:16 01 հոկտեմբերի 2020
Ուղիղ եթեր
  • USD488.41
  • GBP626.63
  • EUR571.78
  • RUB6.24
Հայաստան
Ստանալ կարճ հղումը
21720

Մարզիկ Մանվել Մամոյանը ձեռքերի վրա ուղղահայաց դիրքով 48 վայրկյան 27 անգամ հենում-ծալում վարժություն է կատարել և համաշխարհային ռեկորդ սահմանել։ Նա մտադիր է դառնալ այն միակ մարդը, որը հենում–ծալում վարժությունը կկատարի ձեռքերի երկու մատով և վերև բարձրացրած ոտքերով

ԵՐԵՎԱՆ, 1 մարտի- Sputnik. Գինեսի ռեկորդների գրքի ռեկորդակիր, եզդի Մանվել Մամոյանը պատրաստ է այս տարի ևս 10 ռեկորդ սահմանել։

Մարզիկը համաշխարհային ռեկորդ է սահմանել` ձեռքերի վրա ուղղահայաց դիրքով 48 վայրկյան 27 անգամ հենում-ծալում վարժություն կատարելով։ Ռեկորդը նվիրվել է «Հայերի և եզդիների Ցեղասպանության հիշատակին»։

«Ես ուզում էի միանգամից երկու ռեկորդ սահմանել։ Սակայն պատրաստ չէի դրան, պետք էր լավ պատրաստվել։ Ռեկորդ է սահմանվել նաև ձեռքերով հենում-ծալում վարժությունում։ Նախորդ ռեկորդը սահմանել է Ուկրաինայի ներկայացուցիչը, նա այդ վարժությունը կատարել է 20 անգամ»,- ասաց Մամոյանը։

Մարզիկը վստահեցնում է, որ ինքը կարող է գերազանցել այդ արդյունքը։

«Ես պատրաստ եմ այս տարվա ընթացքում 10 ռեկորդ գրանցել։ Արդեն 5 հայտ եմ ուղարկել։ Տվյալ պահին ես պատրաստ եմ հասնել նոր ցուցանիշների»,- նշեց Մամոյանը։

Նա խոստովանեց, որ իր նպատակն առավելագույն քանակությամբ ռեկորդներ սահմանելն է։ Չի բացառվում, որ հենց նա դառնա այն մարդը, որն ամենաշատ ռեկորդներն է սահմանել։

 

Манвел Мамоян
© Sputnik / Асатур Есаянц
Մանվել Մամոյան

Մարզիկը նշեց, որ Գինեսի ռեկորդ սահմանելու գործընթացը բիզնեսի է վերածվել։ Պետք է գումարներ վճարել ավելի արագ որոշում ստանալու, դատավորներ հրավիրելու, հատուկ կրծքանշան օգտագործելու համար։

«Սինջար» եզդիների ազգային միավորում հասարակական կազմակերպության նախագահ Բորիս Մուրազինն էլ նշեց, որ ռեկորդը երկու ժողովուրդների ցեղասպանությանը նվիրելու գաղափարը ծագել է այն պատճառով, որ Հայաստանում եզդիների համայնքը ցանկացել է իր ավանդն ունենալ 20-րդ դարի սկզբի անմեղ զոհերի մասին հիշատակում։

«Գաղափարը ծագել է քննարկումների ժամանակ։ Մենք ցանկացանք, որ մեր համայնքն իր ավանդն ունենա հայերի և եզդիների Ցեղասպանության 100-րդ տարելիցը նշելու գործում։ Ռեկորդը սահմանվել է 2015թ.-ի հոկտեմբերի 23-ին և լայն արձագանք գտել ԶԼՄ-ներում»,- ասաց Մուրազին։

Նրա խոսքով` Ռեկորդների գրքի կայքում նշվում է, թե ինչին է նվիրված Մամոյանի ռեկորդը։ Նա ներկայացրել է ռեկորդի մասին վկայությունը, որը ստացել է մի քանի օր առաջ։

 

 

Գլխավոր թեմաներ