ԵՐԵՎԱՆ, 4 մարտի — Sputnik. Մարտի 3-ի առավոտյան բացահայտվել էր, որ ՎՏԲ-Հայաստան բանկի թողարկած քիչ քանակությամբ քարտերից (մինչև 200 հատ) երկրի սահմաններից դուրս զեղծարարության գործարքներ են կատարվել։
«Խարդախ գործողությունների արդյունքում ՎՏԲ-Հայաստան բանկի որոշ հաճախորդների հաշիվներից դրամական միջոցների կորուստների, ինչպես նաեւ առաջիկա հանգստյան և տոնական օրերի հետ, ՎՏԲ-Հայաստան բանկը օպերատիվ և ամբողջ ծավալով ուսումնասիրել է բոլոր խարդախությամբ կատարված գործարքները, և ֆինանսական վնասներ կրած բոլոր քարտապաններին ամբողջովին հատուցել է կորցրած դրամական միջոցները բանկի հաշվին` փոխանցելով համապատասխան գումարները հաճախորդների բանկային հաշիվներին»,- նշվում է «ՎՏԲ-Հայաստան Բանկի» տարածած հաղորդագրության մեջ:
Բացի այդ, բանկը մեկ օրով դադարեցրել է վարկային տոկոսների հաշվարկը այն հաճախորդներին, որոնց կորուստները կազմվել են Բանկի կողմից տրամադրված վարկային միջոցներից:
Միաժամանակ այդ բոլոր հաճախորդների համար (մոտ 200 հոգի) բանկը սեղմ ժամկետներում նախաձեռնել է նոր վերաթողարկված քարտերի տրամադրման գործընթացը արգելափակվածների փոխարեն:
Հայտնում ենք նաեւ, որ բոլոր տեղեկությունները փոխանցվել են համապատասխան իրավապահ մարմիններին խարդախությունը կատարողներին գտնելու եւ պատժելու նպատակով»:
